مجالسي عندك يالزيادي

البارح اون وأزفر من علـــو النصيباء
وقمت اتفكــر علومٌ وردت في تالازمان
ياصاحبي اقفيت عنا وخذيت المجــاني
لو كان علم بيبدي لي ولو شي خوافي
الوعـــد كية على خـــد الجمل موسمية
وأشــب روس الجبـال بيـارقٌ وأشعلية

صح لسانك أستاذي الكريم ....
إن أعجبك الرد والا لك حرية الحذف والتعديل ...

الرد : الزيادي=
**=
يامرحبا عد همّال الغيوم النصيبا=
اللي لها البحر يصفق والبواخر تلزمان=
لاتحسب العلم ماجاني .. ترى العلم جاني=
والشيخ أبو عادل .. أنا أدري عنه شيخ وافي=
عندي لمدح النشاما حفلةٌ موسميّه=
والا الخناطيل وش لي عندهم وش عليّه=
**=

الله يحييك تراحيب السيل انت استاذنا وانت شيخنا



الـبــــــــــدع : يعقـــوب الحسني


تدوم واسلــم ..وتدعــينا وحــنا نجـيــــبا
لامنك خلـــه ولا حتـــى يجـي منك لومان
انشاء الله اني معك بالدرب ماني معــــاني
اقلط على الطيب يوم القلب والفكر صافي
لو شفــت كل الســباع بطبعــــها عاـيديه
ما شي كما النمر في مرصده والفـارسية

صح لسانك يالنشمي .. وماعليك زود ..

الرد : الزيادي=
**=
(يعيش راعي البخل ويموت) حنّان جيبا=
حرام بالله مايسقيك حتى ولو مان=
هذي تراها الخُلاصه وإختصار المعاني=
بالله لاترصف الميّات وألفك رصافي=
العايدي يبدع أبيات المثل عايديّه=
والفارسي يبصر أعلام الدول ..فارسيّه=
**=

البـــــدع : يعقوب الحســـني



ليت الـــــزيادي معــــه رادار والا رقيــــبا
من القياده على الشاشه ولاشاف شي بان
ارفع جهــــازك وبلـــغ بالخــطر وقته ااني
وقول شي ُيهول ومشــاعله ولـــــع وافــي
نسمع بلاغــــك علــى قــواتك المنقضـــية
كـــم قـــايد اقفـــى معــاه وسام يالعسكريه

الرد : الزيادي=
**=
الواسطه رقّت الجندي لرتبة رقيبا=
والا الذي طوّفوا قبله قحامه وشيبان=
الوقت الأقشر عليهم ماغدا وقت هاني=
لكنّ مالي ومال أهل الوساطه ... عوافي=
أنا أبغي أعْلِمك وآقفّل ملفّ القضيّه=
أي زينب العسكري حتى أمّها عسكريّه=
**=

صح لسان الشاعر يعقوب الحسني على البدع الطيب

وصح لسان المبدع على الرد الرائع صحت الالسن وتعافت الابدان
واصلو وحنا متابعين

البـــــدع : يعقوب الحسني


ما شي تبـاعد ويالفـايت بشـوفك قريبا
وان زاد كيل المكيـل له حسـابً وميزان
ما احدن يخلد في الدنيــــا ويالعمر فاني
مثــلك وشـرواك يا دندون يا ذا السنافي
لا قل شـــوفه نشــوف عيونه المكحليه
بوسط الاسكــــان لا توه عن الصالحيه

المشاركة الأصلية كتبت بواسطة الشامان

صح لسان الشاعر يعقوب الحسني على البدع الطيب

وصح لسان المبدع على الرد الرائع صحت الالسن وتعافت الابدان
واصلو وحنا متابعين

صحت ابدانك مرورك الاروع ولك كل الود والتقدير طبييييييييييخ

الرد : الزيادي=
**=
إن كان شفت العداوه جت من أقرب قريبا=
فلا تدوّر من البيّاع تمرٌ وميزان=
هذي سنين الرفا حتى بن العم رفاني=
والا الوفاء عندنا مهما جفيتم سنافي=
حلويت لي بدعة أمثالك وعلمك حليّه=
ترمي بها عايبه وآردّها صالحيّه=
**=