اقوال الحــــــــــــب

من فتـّحـــت عيني على عالـــم ونــاس = مرت بي اقوال الزمــان المطمّه
اقــــوال مثـــل ان المحبـــه لها قيـــاس =والحـــب ثعبان ٍ يمــــدك بسمــه
والحــب يحمل في مســـاراته اجنـــاس =موجود به خاين وجــاهل ورمّه
والحب بــ امواجـــه عنا. موجعـــة راس = دامك غشيم العـــوم لا لا تطمّه
درب المحبـــه متعـــبٍ فيــــه وســواس = يفـــرق اللي طول عمرك تلمه
يفــــرق اصحابك ومن خيـــر جـــلاس = تصبــح وحيدٍ والبشر لك مذمه
اقــــوال ٍ اكتبهـــا فــ دفـتـــــر وكــراس = واجفظ جمل للحب غيبٍ واصمه
واليوم واقــع والجــدر طــاح وانحــاس = وسـاس الامل ماعاد يمديك رمّه
من بعد مـا ولت وانا صـــرت حسـاس = اطلـــق حسير الدمع والجفن زمّه
ذكر المحبـــه في فوادي كمـــا الفـــاس = ملعــون خال الحــب ملعــون عمّه
سغت الحـزن كاس ٍ مريرٍ ورى كاس =طفـــلٍ تعلـــق في حليــــبٍ مــع امه
ذرفت دمـــــع العيـــن واشتد بي بـاس = وحالي نحــل والعزم مافيــه همّــه
فجأة صحيت وسار في جسمي الماس = ماسٍ تمكــن فــ الحديبـــي ودمـــه
جلست برهه .. قمــت شغلت الاكباس = والدمـــع شــاله ثــوب عـــــزٍ وكمـه
قلت الكرامه بنيـــة الرجــل والســاس = والكفــــو عينــــه ترتقــــب كل قمه
ولعت جمر العز من تحــت كــراس =ملــعون خال الحــــب ملــــعون عمه

عبدالله الحديبي ..
ارائكم وانتقاداتكم ..لاهنتم

لله الله
دره من درر الحديبي لو لم تقل سواء هذا البيت لكفى

فجأة صحيت وسار في جسمي الماس
ماسٍ تمكــن فــ الحديبـــي ودمـــه

تقبل تحيتي وتقديري ودمت بود
ترانيم

الحديبي : صح لسانك ، وإن شاء الله يكون القادم أقوى وأحلى ،

قافيه لا يكتبها الا شاعر

صح لساااانك يا سمي ملايين

ابدااااع الله يعطيك العافيه

الحديبي
صح لسانك وسلمت يمينك
تحياتي وتقديري...

الحديبي
صح لسانك وسلمت يمينك
تحياتي وتقديري.