استودعك من بيده الكون ملفوف

بين الحقيقه والخيال ابتدا الخوف=قلبي تحير في ظنونه وخوفه
يمكن خطا في رسمتي ظاعت احروف=يمكن قصيدي ضايعه به حروفه
قمت انثر اعذاري وبي يرجف الجوف=مع كل حرفٍ تاتزايد رجوفه
عيد النظر يمكن بعد خانك الشوف=او يمكن التعبير خّون وصوفه
لكن اشوفه صد والصد معروف=يوجع عيون اللي لخله شغوفه
يشهد على الله حالف ومحلوف=ما جت بقصد او خافقي لو تشوفه
صافي وفيه امن الهوى عدة اصنوف=الصدق والاخلاص هذي صنوفه
احرص عليك امن الهوا واحمل اسيوف=واقطع يدين المعتدي من كفوفه
ياسيدك جيتك وفي خافقي انزوف=تكفى ترى قلبي تزايد نزوفه
ان كان ماسامحت من جاك مكفوف=من بعد ماجا قال هذي ظروفه
فاستودعك من بيده الكون ملفوف=يحميك من شر الزمان او صروفه
وانا على الله باترك القلب ملهوف=واجوب بارض الله والكون اطوفه
واعيش باقي العمر با خطار محفوف=اما غرامك او لعمري حتوفه