راعي بندقه في السوق

البدع / بح ـــر
يا رفيقي ما نشدنا وش مشورتكم ولا ش راي=
ابنصلي فرضنا واصلاتنا اللي فايته نقضيها =
والليالي انسوقها وتطيعنا غصباً في الأسواق=
والله ان اللي كفو نقبل منه كلمة وفاء ونصايح=
حتى لو ظلى فقير ولا ورث مالٌ أو اتركه=
أما ولد اللاش يبقى لاش لو يلبس ذهب وتجمل=
أشهد ان القلب ما يبغاه وأعيوني شنيته=
وأنا ويش أبغى بلقمه حاليه جاء من وراها سومه=
وأدري أن النفس تتحاسب وتتجازى بما لها =
ولدنا دلته في يسراه ما يثني يديّه مع الصب=
وابنسوق الكيف للضيفان ونوفي بسوقنا =
من بغانا محزمٌ يبشر بنا في كل طلع وندري=
حتى لو ماهو ولد عمي ولا هو آخي ولا هو جار=
والذي ذاق المراره قال ويش ارجاء وراء تالمُره =
لا يسوق المخطيه وايضا يقل شارك معي فالسوق=
لا تقل ما يعرف الماء للغرق والنار ما تعرف شي =
انشد انشد عن خطرها وأبتجاوب كَبــد السوام =
ليش نتسابق على الدنيا وندري ان الفناء بها =
.
.

الرد / بح ـــر

ليلة البارح نزلت السوق لا بايع ولا شراي =
أتمشى وأتفرج وأن لقينا به فقه نقضيها =
وأنا لي خبره وكم نشري وكم بعنا في الأسواق=
ووقفنا عند راعي بندقه يدعي لها ويصايح =
قلت أنا بأسومها وأن جاز لك سومي أو اتركه =
وعطيته سومةً في خاطري إنها وافيه وتجمل =
ما بخسته في ثمنها غير مدري ويش نيته =
قالوا أهل السوق سومه طيبه ما شي ورها سومه =
أعطه البندق وجعل الله يبارك لك بمالها =
قال لا ،، ماني ببايعها وقفى ضايقٌ ومعصب =
يا تشكى للعرب ويريد سوقٌ غير سوقنا =
وغدا يهمز ويلمز يحسب إنا ما ابنشوف وندري=
مقصده يشمت وياهب نفسه أنه باشة التجار =
قالو أهل العقل له جنب ولا تحنس وراء تالمره =
لن ما حد دق فوق أيدك وقال أنزل بها فالسوق=
الذي يعرض بضاعه لا يقول الناس ما تعرف شي=
أما حَدد سعرها ، وإلا فيقبل سومة السوام =
وإلا يتركها ببيته ما حداً قال الفنا بها =