زمــــن أ ول تحـــــول ..... ^_^

بصراحه مرات على كثر مااسمع قصص وسوالف عن قبل ايش سوو واذكر جدتى دوختنا بسوالفهم هههه جيلنا احسن وسوينا وحطينا وشلنا وجبنا والخ من القصص الى ماتنتهي ...

ارجع بالذكريات للخلف لزمن الاجداد او اتخيل كيف كانو عاايشين و اقارن بينهم وبينا...

درسنا وتعلمنا وكل الى اتعلمناه ماستفدنا شي بالعكس لم يزدنا الا جهل

وهم على جهلهم الى فيه ومايعرفون لا يقرون ولا يكتبون ولا يعرفو ن الخمسه من الطمسه

الا فيهم البركه وعندهم علم اكثر منا ....

مثلاً ... بنت حلووووه كل شعراء القبيله يكتبون فيها انواع القصايد الغزل بس غزل مو اي غزل لا غزل عفيف والغريب حتى والد البنت يسمع بالاشعار وينبسط ويكون اسعد النااس وحتى اهلها يحترمونها ويقدرون مشاعرها واذا عرفو انها تحب شخص مايجبرونها على الزواج من شخص ثااني احترام لبنتهم
وحتى العشاق كانو يتخبون محد بيشوفهم و يلتقون تحت ضوء القمر مافى لا جاكم جيب الهيئه ولا مسكتهم الهيئه
ومحد ينسـى ان الشيطان ثالثهم
بس لو فكر الشيطان بوقتهم انه يطلع لهم ذبحووووووه

بيكون اللقاء سوالف بسوالف وقصائد بااجواء رومنسيه لو فكر مجرد تفكير يلمسها ممكن اقرب حجر براسه تقتله وتنشر غسيله وويكون طا يح من عينها وماتعبره بالمرره...

وماننسى كان فيه الطب الشعبي ونااس تمارس هالمهنه سواء رجال او من النساء من كل مكان يجون عندهم عشان العلاج عكس الحين ناس تحرم وناس تحلل بمهنه التمريض لو سالت الرجل الى يحرم ترضى رجل يكشف على زوجتك بتكون اجابته لا يرفض لو سالت الرجال الى يحلل مهنه التمرض ان زوجته تشتغل بيرفض !!

وسبحان الله كانو يعرفو ن كل مرض وله علاج برغم ماعندهم ولا شهادة طب عكس الحين كثرو الاطباء والشهادات من كل نوع ونوع

وو بدل مايعالجون ذبحو خلق الله ..

نروح لمثال اخــر اي خلاف او مشكله صارت بين زوج مع زوجته بدل مايشرشحها ويغلط عليها ياخذها بكل هدوء لبيت اهلها او يقول اذا رجعت ماابغى اشوفك بالبيت
اهلها بيستقبلونها ويعشون بنتهم هى وعيالها ولا كان شي صار وثاني يوم يجي ابو البنت يااخذها هي وعيالها ويرجعها لبيت زوجها و يخليهاتعتذرمنه وتتاسف
بوقتنــا الحين الاهل هم يشجعون البنت اذا جاتهم زعلانه يوقفون بصفها حتى لو هى غلطت بحقه والغلط راكبها برضو يوقفون بصفها وماترجع غير بشروط !!!او بعضهم يدفع فلوس عشان يرضيها عشان ترجع لو نااااانسي عجرم على غفله

امثله كثيرومقارنات اكثر لو طرحتها بموضوعي بتاخذ اكثر من صفحه

يعنى زمن اول تحــوول كل مازادو تطور وعلم وثقافه
زادو خبث وعقول فاضيه وافكار وعادات من برى وتقليد ع الفااضي النوايا تغيرت كل شي تغير
و نقول الانسان ممكن ياخذ بعض طبايعه من البيئه
مثلاً الصحراء اخذ القوه والشهامه والنظافه والصفاء الصدق النفس الطيبه
من المدينه تطور وتلوث بالعقول وتطور باجهزه تغيرت النفوس وتغيرت النيات
كل شخص يركض و راء مصلحته قلت فيهم الشهامه والصدق والنيه الحسنه ..الخ

وكل ماكبر الانسا ن بيحن لمااضيه بحلوه وبمرره

النقااااااااش ......//

مفتووووووووووووووووح

بقلمي ... همسة شوق.......}