احمر الخدين

ياصاحبي يااحمر الخدين=والرمش عاالخد له فيّه
ذبحتني ياكحيل العين=باالرمش واخدود ورديه
وارهقتني ياالغضي من حين=وازهقت روحي بلا ديه
حاسب ترى الشوق له نارين=في داخل القلب ولعيه
شبت ضلوعي من الجنبين=ماكانت الجمره مطفيه
زينك طغى عاالعرب يازين=حتى القمر منك خذ ضيه
جمال ماله شبه من فين=ماشفت انا في البشر زيه
يحميك ربي من الواشين=ومن العقول الجنونيه
الحب يازين له قلبين=باالوصل مابينهم حيه
والشوق يجمع غرام اثنين=لو غاب لابد له جيه
كثر الجفا للمحبه شين=وقلوبنا منه مبريه
مجنون ليلى ذبحه البين=والقصه للناس مطريه
يازين يااغلى من الغالين=ويابعد كل من ليه
جوارحي لجلكم مبلين=في غيركم مالنا نيه
اعطف على قلبي المسكين=روحي تراها مودّيه

صح لسانك وبيانك يا ابو طلال

قصيده رائعه بروعتك الله يعطيك الصحه والعافيه

الصراحه ان الفتره الاخيره استمتعنا بقصايدك الوفيره واصل الابداع ياعملاق الشعر

تحياتي الحاره لك

المشاركة الأصلية كتبت بواسطة العالم المثالي

صح لسانك وبيانك يا ابو طلال

قصيده رائعه بروعتك الله يعطيك الصحه والعافيه

الصراحه ان الفتره الاخيره استمتعنا بقصايدك الوفيره واصل الابداع ياعملاق الشعر

تحياتي الحاره لك

.................................................. ..........................
حىالله العالم المثالي وانا بيني وبينك عندي طفرة قصايد
هذه الايام بعض الاحيان اقعد ابدع وارده لحالي وعلى كل
حال اتشرف بمرورك الكريم على قصايد علي السبيه الغلبان

الحـب يازيـن لـه قلبيـن
باالوصـل مابينهـم حيـه
والشوق يجمع غرام اثنيـن
لو غـاب لابـد لـه جيـه



صح لسانك يالسبيه

كلمات جميله
وليست بغريبه على مبدع مثلك

يعطيك الف عافيه

المشاركة الأصلية كتبت بواسطة لمسة

الحـب يازيـن لـه قلبيـن
باالوصـل مابينهـم حيـه
والشوق يجمع غرام اثنيـن
لو غـاب لابـد لـه جيـه



صح لسانك يالسبيه

كلمات جميله
وليست بغريبه على مبدع مثلك

يعطيك الف عافيه

.................................................. ..............
حىالله لمسة الفن والذوق الرفيع واشكرك جزيل
الشكر على مرورك الراقي وردك الرائع