الله اكبر والحزن يقهر صدور الرجال

سمعت خبر وفاة زوجة صديق لي.
وعندما ذهبت لتعزيته وجدت الرجل في حاله يرثا لها
وقمت بكتابة هذي الابيات . .
اسأل الله جل في علاه ان يرحمها ويجعل نزلها الفردوس الاعلى.
ـــــــــــ..

الله اكبر والحزن يقهر صدور الرجال =والدموع تجرّح الخد والخافق حزين
يوم شفته دمعته كنها وبل الخياااال =قلت ياوجدي على حالته والله يعين
وآه يا مقسى خبرهم بموووت ام العيال = يومهم حطو اسمها في سجل الغايبين
ي الله يامعبود تغفر لها ياذا الجلال =واجعلها ياربنا مع جموع الصالحين
وليه يادنيا التعاسه وانا عندي سؤال= ليه موت احبابهم ليه موت الطيبين
والسعد معدوم بك دوم والفرحه محال = والفجايع كل يوم تصحي النايمين
وابو وافي عبرتا واضحه واصدق مثال =يوم يصرخ مالقهر مثل صرخات السجين
ي الله اجعل عمره يدوم وسنينه طوال=وعوّضه عن فقدها يامجيب السائلين
قلتها وآنا دموعي مثل وبل الخيال=ي الله الهمه الصبر يامعين الصابرين
.

ــــــــــــ..
كلمات : محمد سعيد الزهراني .


منقول