حب بدويه

اسمع الفنجال يصقع في خويّه
مرحبا واهلين يا صفر الدلالي
نشرح الخاطر بشرب الشاذلّيه
هي هوا بالي وهيّه راس مالي
شب نارك ثم خلّ النار حيّه
واحمس البن اليماني باعتدالي
حطها في الضو وابعدها شويّه
تستوي وبهارها من كل غالي
ثم سقها في يدين القهوجيّه
واعطها الفرسان وقروم الرجالي
ما يعرف البن مجهول الهويّه
ما يعرفه غير ابو زيد الهلالي
لا تقهوى في الدلال الحضرميّه
فكّ باب الشعر وافتح له مجالي
شفت قيفانه لها معنى قويَّه
قلت وقف والسعد فالك وفالي
انا بعطيك القوافي سرمديّه
كان قلبك من سهوم الحب خالي
ما بيتعبني معك شدّ المطيّه
لأن عندي صبر وحباله طوالي
كنت ناويلي فأنا ناويك نيّه
يابن الاجواد وكريمين السبالي
الوفا عندي ولاله منكريّه
يشهد التاريخ في كتب المعالي
كلّ راعي تحت مشعابه رعيّه
ما بيرضى تنقصه وضح الجمالي
ما يخلي النمر يا خذها ضحيّه
كود تسري منه في سود الليالي
وقتها لا باس لا تضوي عليّه
ما نبيها لو يكون الريق حالي
دامها راحت بشفّ وطيب نيّه
ما بناسمها بميسام الحلالي
لكن العلم انها ماهي رديّه
ما تروق بعينها في كل جالي
تشكي الحاله على رب البريّه
تشتكي من شيخ تجار الزوالي
قالت انه زاد ضلمه والخطيّه
وصل علمه بيتنا واصغر عيالي
اشهد ان الحب يالغالي بليّه
واشهد ان القلب مأسور الجمالي
فالحذر لا اموت في حب ابدويّه
واسعد الموتات لا مت بحلالي

الله يعطيك العافيه وصح لسان الشاعر
اشوى مافيها من العلوم ذيك ههههه
والابدويات ينحبون شوفي نديم القوافي مختفي هاليومين طاح في حب بدويه وكم راس غنم ههههه

يعطيك العافيه اخت بدويه كلمات فواحة بالهيل والبن ومشاعر الحب باقة ورد

تسلموووووووووووووووون لاتلوم نديم في البدويه هههههههههه

ميه ميــــه
اسعد الموتات لا مت بحلالي
وردة

الله يعطيك العافية

يعطيك العافية أختي بنات عتيبة
دائماً قلبك أخضر الله ....وردة

تسلموووووووووووووووووووون أسعدني تواجدكم

كلمات تكتب بماء الذهب اختيار رائع من رائعه
تقبلي مروري

بنات عتيبه تعجبيني بس نبغي ابداعاتك الاصليه ما نبغي نقل انت شاعره
ونبغي نشوف الشعر علي اصوله يا الغاليه
منتظرك جديد المميز

تسلم يالخمأش ويسلم عاشق القصيد لاتكبر راسي واصدق اني شاعره