لك يامسفر الفضيلي

السلام عليكم ورحمة الله وبركاته

مسفر الفضيلي ودي الله لا يهينك اك تشرفني بالرد على هذه القصيده دون نقص في الاخوه الباقين




ابن خـضران قـال الكــبر ماهـو بـلي والـبخــتراه

والله لا مـوت وانا مارضــيت الغطارس والكبريا

الكـبر لله الرحــمـن يـاصــاحـــبي ما هـــو بــلــي

قل من يمشي الليله وهو ما يحسب الناس ناسي

والله انك لتمــسي جــوف حــفره بنعــش وكيفــنا

كلام كبير من شاعر كبير

صح لسانك يابن خضران

ننتظر المبدع دائما مسفر الفضيلي

الشاعر والمعلم القدير عبدالله اللبيدي صح بدنك

والف مليون شكر على مرورك وتعليقك الرائع يارائع

صح لسانك يابن خضران ولو ان عندي تحفّظ على البيت الاخير

صح بدنك يابو طلال وودي ماتتحفظ بشي هات علومك احنا هنا نستفيد من بعضنا والكامل الله

لكن تحفظك يمكن عرفته وهي كلمة النعش ...

لكن هات تحفظك يالغالي وابشر

بن خضران

صح لسانك والله يعطيك الف عافيه يا النشمي

تقبل مني هذا الرد والاجواد عذاره

*=
الرد : مسفرالفضيلي=
*=
أبصر النور يجلا ظلمت اوقاتآ والبخت اراه=
لا تكدر صفى الأيام يا شيبنا والكبريا=
ولي صدق مناني رابعه تايهآ ومهوبلي=
يمكن القلب من كثر المواويل والوناس ناسي=
لكن الهجرة ما جايت على ما نريد بكيفنا=
*=

صح لسانك ملايين يامسفر وانت راعيها يالمطلق يبن المطاليق

بن خضران ومسفر الفضيلي

صحت السنتكم على هذا البدع والرد والله يعطيكم العافية

س1/

والله انك لتمــسي جــوف حــفره بنعــش وكيفــنا

هل يدخلون النعش في ((الحفره)) القبر؟؟؟؟

صح بدنك يابو يحيي ؟؟؟

سؤالك مره صعب واترك لك الاجابه ....

ابو طلال من قبلك كان هذا مايتحفظ به ....

انا اقول ان المتكبر يجي له يوم من الايام ينشال على النعش وهو مكفن ويدخلونه القبر

وليس القصد انه يدخل النعش داخل القبر حتى لو ما ذكرت هذا حرفيا في قصيدتي

لكن المعنى دلالي يااااااااااااااشعار

صح لسانك يافضيلي على ردك الوافي والمجمل ياحاكم القفيان والمعاني
وانت يابن خضران كان تحفضي على كلمة النعش مثل ماذكر ابويحيى
ماحد يدخل النعش في القبر وكان من الافضل تقول في البيت الاخير:

والله انك لتمسي جوف حفره وحيد ابكيفنا