%%% (( ياذا الحَمَام اللي سجع باللحون .. ))%%%

ياذا الحَمَام اللي سَجَعْ باللحون=عذّبتني .. وأشغلت روحي معك
خلاص يكفي من عذاب العيون=يبكي بصوتك كل من يسمعك
والناس مابينك وبين الجنون=يوم إنّ ربّي زيّنك وأسجعك
أعطف عليّ .. وخَلّ قلبك حنون=من وين رِحْتْ .. وخاطري يتبعك
ياللي تفنّن في عذابي فنووون=ماأروعك من جِدّ ماأروعك
لا تِزْعل الخاطر .. ولايحزنون=ولاتقضّ النوم في مهجعك
تمون .. إي والله .. وربّي تمون=ويمون من ضَمّك ومن ودّعك
اللي تبيه إيكون وش مايكون=وافي معك قلبي ولا يخدعك
من غيرك الأيام ظلماء سجون=من علّمك تجرح .. ومن دلّعك
ياذا الحمام اللي سِجَعْ باللحون=يبكيك قلبي كل مايسمعك
***