بهـذلـتـني قــوم قــوم كــل ليـلــة وكــل يــــــــــوم

عـنـدي حـرمة بهـذلـتـني كـل يــوم تقــول قــــــوم ..... قوم طالع في المراية عد شـيبك صار كم

بهـذلـتـني قــوم قــوم كــل ليـلــة وكــل يــــــــــوم ..... بهذلتني عد شـيبك صرت جد وصرت عم

قـلـت عـقـبي ياعـجـوزة ماعـلـيك اليـوم لـــــــــوم ..... العـقــل مـعــاد يـفــهـم والجـســم مافيــه دم

لعنبوك الشيب نعمة صرت أصلي وصرت أصوم ..... لعنبوك الشـيب آيـة الشـيب يعني العـقل تم

قـالـــت انـكــر يالــعـويـــد مــثـل عـادتـــــك دوم ..... كـانـه نعــمـة ليــه تصـبغ بالسـواد وبالكتــم

قـلـت نصـبغ عشـان حـنا مـن روس قـــــــــــوم ..... فينـا نخــوة وشــجـاعـة فينا صـدق وكــرم

مـانـبي الـقـوم تحـقــرنا وحـنـا قـــوم قــــــــروم ..... جاهــزيـن للمـنـادي إن صــاح قـلـنا نعــــم

قـالـت أشــك في عـلـوم وأصدقــك في عـلــــوم ..... أشـك تـبغـالك عروس أشــك بيـت بينهـــدم

قــلت ياخـبلة إن بغـينا ماتـرانا مـن الرخـــــوم ..... إن بغـينا مـا فــكــرنا ولا لـها بنشــيل هــــم

بس عـقـبي في مكـانـك قـبل توصـل للخشـــوم ..... ثم تشــوفي علــم ثانــي بعــده ما ينفـع نــدم

قالـت الله اللي حسـيبك ماني لك من الخصــوم ..... ولا بعــدها بتـكــلـم ولا بعـدها أقــول بــــم

قـلت الله الله يالـحريم بعضـكـن مثل الســـموم ..... إن ســلمت من ســم الأولى الثانية سـم أطـم

وبعضكن مثل البحر تبغى من يعرف يعـــــوم ..... وبعضـكن أعـمــاق بـيـر شــرهـا يجـم جــم

وبعضـكن مـثل القمـر وبعضكن مثل النجــوم ..... وبعضـكن ماكنـها الا عـنزمن وسـط الغـنم

بس أنـا ما عندي نيـة أزيد من همـي همـــوم ..... حتى وإن قالوا دسـم السـم في وسـط الدسـم

والخــتـم صـلــوا عـلى طــه نـبـي العـمـــوم ...... واذكـــروا اللــي خـلـقـنا كـلـــنا مـن عــــــدم



ورررردهورررردهورررردهورررردهورررردهورررردهورررردهو ررررده

صح لسااااااااااااان قايلها ..

ويعطيك ألف عافيه عالقصيدة .. قصيدة جميلة

قصيده رائعه تبين فيها قوة الرجل بالصوت وحكمة المرأه

بدويه


و

بحور


شكرا على حسن المرور