انا يوم اندر الاسواق والغله بيدي !!! السبيه !!!

الليله معي زوليه في مجلس معيه ودي اغيرها
وبغيت شي يجملني من المطاليق شرواكم لامنهم جايونيه
وودي يندر معيه السبيه والله اني احب رفقته ورفقة الرجال شرواكم

وشوفو ابو طلال قبل الموضوع يتحما يبغي يشوت هااااااااااااااي

واهي واحده وكان نبغي نلحق السوق ياعلي

البدع ابو صالح=
*=
ياعلي متجر اطلس بقتضي منه زل=
ان بغو شيك والا مدة(ن) من قصى ايد=
ما تسلفت من بدوً ولا من حضر=
وانا يوم اندر الاسواق والغله بيدي=
مجلس اقول ياغبني والا ليتها=

ولا يهمك اشوت وانشاءالله تجي في الثمانيات وبعدها نلحق السوق

الرد:علي السبيه=
.=
الله ياكم قرينا من كلام الهزل=
قضم ذُبّان لكن يحسبونه قصيد=
وانا والدوسي احترنا مع من حضر=
وينه ابن الجنوب وقلت وين اللبيدي=
لجلهم زعت بلحاني ولاليتها=

عز الله اني ماحب التطفل والفضول لكن شي أثنين هنيه مدري وش معهم
مدري في روسهم حباً ماطحن ولا ماحد مكيفهم ولا وش علمهم
أنا بانوب عن باقي الشعار اللي ماذكرهم علي في ردوده بعد أذنهم
ودخيلكم لاحد يفرع بيننا خلونا نتلابد لين تضلي كل حمراء تنزف
ياقرولي انا وغيري ياقرينا لهم وقلنا ان ماحد معهم ولاحد كماهم
ماتشوفون انا سكتنا لهم
ادعوا لي عزالله اني بين أثنين كوارث لكن الله يخارجني منهم ويعينني عليهم

البدع=
.=
يابو صالح تقدم للكثر وشن قل=
مايشيد الجبال الا صخوراً وحيد=
مدري مشعابكم هو عتم ولا عشر=
والسيوف الذي منها الهلاك الوكيدي=
أنت ثلمتها ولا انت حديتها=

يا سلام .. يا سلام سلمتم يا شعــار

يابن سلمان الله يسعد مساءك انت والجميع وابو صالح والسبيه متصدرين الدوري بفارق النقاط والاهداف ولا يرحمون حتى فريق هبط الدرجة الثانية خلقتيه ..لكن انا باحاوشك بجهديه واذا لقيت لك رفيق غيريه خلوني احتياط وان كان الاثنين ما يبغي لهم الا غاز الخردل يمكن يهجدهم

الرد من اللبيدي=

.=
نظهر المعرفة مانفتكر وش نقل=
وان ندرنا في الميدان ما انا وحيد=
ونولّع في الخصّام ولاّع شر=
وانت مادمت تتلمح لقهري وكيدي=
ما بتهدم جبال(ن) لن تحديتها=

.وسلامتكم=

ياسلام ياسلام كلكم وافين والله يعطيكم العافيه ويصحح السنتكم... المهم اشغلو ابو صالح ياين سلمان إنت

واللبيدي لاتفكون له إلا اذا قفل سوق الزل .....

المشاركة الأصلية كتبت بواسطة إبن الجنوب

ياسلام ياسلام كلكم وافين والله يعطيكم العافيه ويصحح السنتكم... المهم اشغلو ابو صالح ياين سلمان إنت

واللبيدي لاتفكون له إلا اذا قفل سوق الزل .....

لاتوصي يابن الجنوب لن عشت يابدل مايفترش زوليته لخليه يلتحفها أكون تحميه منا
ماغير يبتعذر بتالزولية وسوق الزل من شان ماينشب لكن أزهله

صح لسانك يابو صالح والله ياخيه مواضيعك وقصائدك لها طعم غير

ياعلي متجر اطلس بقتضي منـه زل

ان بغو شيك والا مدة(ن) من قصى ايد

صح لسانك يابو طلال وذكرني كلامك في الثمانيات بمباراة الشباب والاتحاد ان شاء يفوز الاتحاد اليوم

الله ياكم قرينا مـن كـلام الهـزل

قضم ذُبّان لكن يحسبونـه قصيـد

بن سلمان ياربي حيه والله لاشتقنا لك ولقصائدك وانا يعجبني التحدي وكلكم شعار كبار مافيكم مغلوب

يابو صالح تقدم للكثر وشـن قـل

مايشيد الجبال الا صخـوراً وحيـد