مواطنون يشتكون من رفع أسعار مطاعم بالرياض وجدة

بعد قرار وزارة التجارة بإلغاء رسوم الخدمة



مواطنون يشتكون من رفع أسعار مطاعم بالرياض وجدة





شقران الرشيدي- الرياض :
في تحايل على قرار وزارة التجارة، القاضي بإلغاء رسوم الخدمة على فاتورة المطاعم، التي تتراوح في العادة بين 15% و20% من القيمة الإجمالية للفاتورة، رفع عدد من المطاعم في الرياض وجدة أسعار الوجبات في حدود 40% من قيمتها الأصلية!
واشتكى عدد من المواطنين من قيام بعض مطاعم المأكولات البحرية - على سبيل المثال - برفع أسعار بعض الوجبات من 70 ريالاً إلى 110 ريالات، وكذلك بعض أطباق المشويات ارتفعت من 15 ريالاً إلى 25 ريالاً، كما شمل ذلك أسعار العصائر والمقبلات بنسب مختلفة.
وطالب المواطنون بقيام وزارة التجارة وجمعية حماية المستهلك بدورهما في مراقبة المطاعم، وتطبيق القرار بصرامة، والحَدّ من التحايل المستمر الذي بدأت بعض المطاعم في اتخاذه وتمريره بحجج واهية كارتفاع أسعار المواد الأولية للمأكولات.
وشدّد مواطنون التقتهم "سبق" على أهمية حماية المستهلكين من جشع بعض أصحاب المطاعم، الذين يتحايلون بطرق عدة لاستنزاف المستهلك، على حد قول بعضهم.

تعليقات
معاند الليل
20 ربيع الأول 1433 | 12:20 AM


سجل عندك فودركرز الي بشارع التخصصي رفع الاسعار ودمج سعر الخدمه مع سعر الوجبه صار يدفع سعر الخدمة الي ياكل داخل المطعم والي ياخذ طلبه وياكله بالبيت .... اول احسن على الاقل ما يدفع سعر الخدمه الا الي ياكل بالمطعم الحين الجميع القرار ضرره اكثر من منفعته

asdsaher
20 ربيع الأول 1433 | 12:24 AM


يا إخوان اللي يرفع سعره عادي قااااااااااطعوووووووه خليه يأكل وجباته هو وعماله
ومافي داعي للشكاوي لأنه مافي فايده

الشامخ ابوخالد
20 ربيع الأول 1433 | 12:29 AM


والله البجاحة صدق يعني منعتونا من هنا بناخذها من هنا لو يطبق النظام بحزم انتهت كل هالمهازل

سرنفل
20 ربيع الأول 1433 | 12:30 AM


وينكم يا وزارة التجارة ؟؟؟؟؟؟؟؟؟ ولا بس كلام

بي52
20 ربيع الأول 1433 | 12:35 AM


حماية المستهلك نايمة في العسل نسمع عنها ولم نرى افعالها.

الامراااااطور
20 ربيع الأول 1433 | 12:36 AM


هو صح فيه قرارات من وزارة التجارة وجمعية حماية المستهلك بس بدون متابعة منهم شخصيا مهو في المطاعم بس حتى في المحلات التجارية الكل يغني على ليلاه الكل يرفع في الاسعار ولا حياة لمن تنادي.اقول الله يرد كيد التجار في نحورهم

حنين المطيري
20 ربيع الأول 1433 | 12:48 AM


حتى بالدمام رفعوا الاسعار صار على كل طلب زياده كان على الفاتوره كلها 15 الى 20% الحين 10 الى 20 في الطبق الواحد صار اغلى ياريت حماية المستهلك يدخل والله حاله

صريح بالمنطق
20 ربيع الأول 1433 | 12:58 AM


ياأخي لو ماتكل من المطاعم بتموت يعني ؟؟!
سبحان الله .. مااكثر المطاعم بالرياض وياليت انها نظيفه . ودي يزيدون الوجبه عشرة اضعاف سعرها الان

محمد الدوسري1409
20 ربيع الأول 1433 | 01:03 AM


تكفون عاد بتموتون من الجوع ... والله من رداء الحريم اللي حتى الاندومي ماتعرف تسويه .... مالله حادكم على المطاعم وش فايده الزوجه اجل مو تطبخ وتكنس وتغسل وانا انكرف واتعب عشان اصرف خلاص الله لايهينها تطبخ وش يكودها ..... الطبخ مايبي له شيء سهل انا اطبخ اللي ابيه لا مطاعم ولا شيء ... بس بعض الدلع زاد عن حده .... ولا كثره هالمطاعم الا من كثره الحريم اللي مايعرفن يطبخن وزي كذا 0.... واللي يقول ياخي لزوم عشان نغير جو ... اوك 3 مرات بالشهر مايخالف يزيد ينقص بكيفه اما تحتج مو من حقك لان التاجر شايف رزقه .... واذا تبي يخفض خل حرمتك تطبخ

ابن نوح
20 ربيع الأول 1433 | 01:03 AM


لو كان عندنا ثقافة المقاطعة لتعلم كل تاجر وشركة ومطعم كيف وتعمل مع المواطن لو كان قد تم مقاطعة. بعض الشركات التى ترفع أسعارها دون مبرر ولدة شهر واحد فقط بتشوفو كيف يرضخو لرغبة المواطن بس مع الاسف كل شخص عندنا في عالم لوحدة


يارب انصرنا
20 ربيع الأول 1433 | 01:22 AM


مهزله الي يقول قاطعوا الي يرفع سهره كان قاطعنا السوبرماركت الي كل يوم رافع سعر شي الجبنه كرفت كانت ب١٩ وصارت تنباع ب٢٦ واذا سوا عروض باعها ب١٩ اذا هو ماهو خسران شي بس الجشع. وانعدام الرقابه والوزاره ماشبعت من الرشاوي وحماية المستهلك يقول احنا ماعندنا اي صلاحيه واحنا الي رايحين فيها الله لايبارك لكم

goreen
20 ربيع الأول 1433 | 01:44 AM


اصلا القرار ارعن من أساسية المطاعم تنتظر فرصة لرفع الاسعار!
سبحان الله من 15% إلى 40% وعلى الجالس والسفري!!
يعني لو فيه حكمة كان طلبوا تخفيض النسبة الى 10% مو يشيلوها مرررة؟ لان صاحب المطعم يدفع منها اجور جميع العاملين والباقي مع كامل قيمة الفاتورة ياكلها كربح صافي (وعساه مايشبع)

سعود بن سالم
20 ربيع الأول 1433 | 01:59 AM


يعطيكم الف عافية كنت في احد المطاعم بالاحساء قبل اسبوع وتفاجأت برفع الاسعار بنسب متفاوته حيث تم طمس السعر القديم واضافة السعر الجديد ولاحظت ان بعض الزيادات طالت 40 ريال على اصناف المأكولات البحريه وعند سؤالي للعامل لية تم زيادة الاسعار قل ليه يبقى مطعم موت انت يبي ياكل بس ومطعم مافية فلوس ،،، رد العامل يدل على ان الجشع والطمع عامي عيون اصحاب المحلات

المقاطعة الحل
20 ربيع الأول 1433 | 04:45 AM


ياجماعة الخير , والله ان الامر سهل وبيدينا نحن المستهلكين بعد توفيق الله الا وهو المقااااطعة ياجماعة الخير يامستهلكين لاتخلون بطونكم اكبر همكم , المطعم الفلاني رفع السعر شوفوا لكم مطعم ثاني بديل ولا كلوا في البيت انظف بعد