نفس السؤال...الى متى وإحنا بحل القضايا؟؟

إلى متى واحنا بحل القضايا = من باع قدره بارخص القدر يشريه
الله يا يومن تجيك المنايا = وكلن يحاسب عن ضميره ومافيه
واحد يصوّت للبلا والزرايا = لو ان محدن بالخفا جاب طاريه
واخر يقود المركبه والسرايا = والاخر يحدد بليله مساريه
أهتزت الصوره بكل المرايا = والكسر بالبرواز ما غره التيه
نفس السؤال أحرق جميع المزايا = الميزه اللي فيك ماعاد تغريه
جود مراسيلك وخل الوصايا = خل العتب خل الندم والمشاريه
ومن حاول يحلي ملاح الخطايا = حظه قعد لو كان حظه يباريه
صوره رسمت ابعادها بالزوايا = إرياح شعري عاجزه لا تجاريه
هذي وقايع ما تصنف حكايا =القلب ما عاد الملذات تغريه
يا ذيب يا كثر الفتن والضحايا =احذر من الدجال لالا تواسيه