مغامرااات الاكل او الشرب وع وع <<بقلمي

بسم الله الرحمن الرحيم

السلام عليكم ورحمة الله وبركاته

اليوم وانا جالسه اقلب فى الدش تابعت برنامج عن الطبخ والعادات
فى شرق اسيا واستغربت ياكلون حاجات والله ماتدخل المخ بالمرررره ونفس الوقت تقرررررف

وكان فيه كائن بحري سمك الانقليس مثل السمك بس طوويل
نفس الي يطلع بالرسوم المتحركه الي يكهرب

وسبحان الله يتحرك بعد ماقطعوه وسلخو جلده وحتى وهو يطبخ
يتحرك اللحم !! ويرقِص بالقدر مدري وش كبدهم يوم تاكل وذكرني بالضب انا ماشفته وهو يتحرك.
وعلى حسب ماسمعت من اخواني انه يقوم بحركه قبل ذبحه

اللي يشوفها وعنده شوية احساس مااتوقع بيذبحه او يقرب من ناحيته ابداااااااا ..

تخيلو انه قبل قطع رااسه يحط يدينه الثنتين على رقبته عشان يمنع السكين توصل لرقبته
ومدري ليش ياكلونه مع احتراامي لهم ايش كبودهم الي تتحمل وتاكل وع وع وع كيف شعورهم بعد الاكل
وحسب ماسمعت انه

له فوائد واذا الفائده تلوع الكبد لدرجه ان الماكولات البحريه لها
فوائد واانا من النوع مااحب اكلها نهائي اذكر مره باحدى مطاعم في جده وكان فيه مطعم متخصص بالاكلات البحريه وطبعا انا مااطيقها ولا احب اكلها بالمرررره اخوي عمل فيني مقلب واكلني ربيان من المطعم ويومها كنت بمووت من الم بطني وقمت ارجع كل الي اكلته وتوهق وقتها وبالمستشفى على طول وعلى بالهم حالة تسمم ولماعرف الدكتور ايش اكلت عرف اني معدتي ماتقبلت الربيان ..

ونرجع لضب اذكر واحد يقول ان واحد من اخوانه كان مريض وصفو له لحم ضب طبعا اخوه مايحب ياكله طبخوه وكثرو البهارات عشان يضيع طعم اللحم بكثرة البهار والفلفل واكل وبعد فتره تشافى وبعد كم شهر قالو له انه اكل لحم ضب صار فيه غثيان يوم سمع ايش اكل و من يومها يكرره شي اسمه لحم

بس هذا ارحم من موقف واحد كان عنده عشاء لرجال وعزم جيرانه وزوجته من النوع الكسلان الي ماتخلص شغلها بدري تتركه لثااني يوم والبيت كان مرررره مكركب ايش سوى صااحبنا قام وعمل قهوه وحط فيه حبوب منشطه وخلى ام العيال تشرب ويحلف يقول دقايق والا الصوت طرااخ طراااخ بالمطخ ومطلعه المواعين المطبخ وهات غسيل وتمسيح وتبخير وكنس البيت وحضرو وتعشوا لضيوف وراحو وضلت مواصله يومين مانامت ويقول ماقلت لها انى حاط بالقهوه حبوب عشان ماتقو م توسوس المراه علينا مو ناقص اسئله يكفى حووسه البيت يقول انه بيسوي نفس الحركه مرره ثاانيه اذا ماتركت الكسل وتعدلت .

نرجع لموضوعنا
اشياء كثيره ماتحبها نفس الانسان وماتتقبلها والبعض الله يكفينا شر الامراض بسبب مرض معين ينجبر انه ياكل اكل معين مثل بيض نعام او حمام او يشرب شراب معين مثل بول الابل البكر اعزكم الله مرضى السرطان اواكل لحم الضبع حسب ماسمعت مرره بس مدري لااي مرض و زيت او اعشاب كريهه الطعم والرائحه اشياء تلووع الكبد البعض يكون لها فاائده كبيره مثل البيض والحليب والفواكه ماتتقبلها نفسه سبحان الله ..

اخوانى اخواتي بمنتدى رباع
لو كنت تعبان لا سمح الله وكان علاجك انك تشرب او تاكل شي يقررف ويلووووع الكبد وتتخلص من الالم مجرد اخذك للعلاج هل تغامر وتتحمل لوعةكبدك والقرف بسبيل الشفاء او تتحمل الم والمرض ولا تقررف نفسك بالاكل او الشرب حتى لو كان شي بسيط ومافى انسان ماتعاف وتكره نفسه سواء الااكل او شراب معين
اسدح الي يجي فى بالك ...

دمتم بصحه وعاااااافيه جميعا ً..

بقلم اختكم .... همســــــة شــــــــوق ....}