(....ضحيّــة ذيابه

اعجاب وادري يازمـن كلـك اعجـاب كأني طعينـه مـن زمـان الصحابـه
من اربع اميه والـف لليـوم ماطـاب كل من نهمتـه يلمـس الجـرح هابـه
الجيت همّي مابقـت فينـي اعصـاب من جـور حزنـي والقهـر والكآبـه
ياامي لمستـه ماعلـى حسـي ثيـاب هاجوس ضاوي مـدري الليـل جابـه
ونيـن روحـي ارّق صيـاح زريـاب والناس تاخـذ صيحتـي فـي دعابـه
شيّبت راسـي مـن تهاويـل لتعـاب ياكيف ابيّن ونتـي فـي كتابـه...؟؟!!
مسـروج فكـري والتناهيـد مرقـاب واتهد حيلي مزنةٍ مـن سحابـه..!!!!!

//
//
//

اشباب ياامـي الفـوا بثـوب شيّـاب عليهـم لبـاس الفـخـر والمهـابـه
تلّوه ياامـي ماحسبـت الهـم حسـاب ياحيـف ثرهـم بالخفايـا ذيابـه..!!!!
ياامـي قويـة والحشـا فـتّـت وذاب وعنـاد صبـري زاد ميـل التهـابـه
اتلوج روحي بيـن مخـلاب وانيـاب حرمة ولا لـي بالـذرى كـود غابـه
حرمة ولا لـي فـي ملاجيـج لغبـاب نـزوح عمـري ماغترنـي سـرابـه

..
..
..

خلاّن قلتي..؟هو بقى عندي احبـاب..؟ كـلٍ يصيـح الويـل مـن حرمـابـه
من وين اجيب احبابا واقراب وانساب.؟ والكل شفتي..غلّـق قفـول بابـه..!!
ابعـاد واقراب..وقريبيـن واغــراب والماي بـارد واحرمونـي شرابـه..!!
اعوان وارهاب وجماعـات واحـزاب والام وجـروح وطعـون اتشـابـه.!!

لالاح دمعي من علـى الكـف خضّـاب قالوا صغيـر الجـرح تـوّه هبابـه..!
هباب عمري..مـن مجاريـد لحـراب يهبون ياامي مالجتهـم اصابـه..!!!!!!
ياامـي دريتـي.؟ لاتناجيـت بعتـاب جـرّوا مـن عتابـي لحـون الربابـه
قومـي فديتـج غلّقـي عنهـم البـاب ذولا يزيـدون المـصـاب التهـابـه

رحمتك يـارب البشـر رب الاربـاب رجيـت عفـوك واحتميـت بجنـابـه
يـارب عوّضنـي بجنـات واعـنـاب وانهـار ومخـوّة حريـم الصحـابـه

عزّاه ياجـرحٍ قضـى الدهـر ماطـاب لامـات بومـي ولا قتلنـي غـرابـه
ماينتهي جرحي ولـو كثـروا احبـاب اصلا مصابي من عمـوم القرابـه..!!!
ياسامعينـي صفقّـوا حيـل باعجـاب اليـوم جرحـي جـددوا لـي مصابـه
باسباب مابـي ..والمقاديـر باسبـاب والعمر ضايع من يعـوّض شبابـه.؟!
امليت قافـي مـن عنـا (آبـه وآاب) سـردٍ يشابـه كاتبـيـن الخطـابـه
حسافـه الطيّـب تناهـشـه لـذيـاب في ظل دنيـا تشبـه ظـروف غابـه

./././././././
././././.
./././
././
./.
ياامي امانـه سجّـي دمـوع واطيـاب وقولي لهم كانت(.. ضحية ذيابـه..!!!)
كانت صدوقه في رجـا وقـت كـذّاب والصدق فيهـم ..عظّـم الله ثوابـه!!!
والعنبو وقـتٍ علـى الطيـب غـلاّب واللي بقـى لاااهـلا ولامرحبـا بـه!!
تدرون..؟! حنّت من عنا وجدي اركاب ولاعـاد بـاقـي مايثـيـر الغـرابـه
ياامي غفيتي..!!؟ قومي ادموني ابناب يـاعـل تطويـهـم دروب الخـرابـه
اعجاب وادري يازمـن كلـك اعجـاب فتقـت جـرحٍ ماحـدٍ قــد درابــه