وهنا قصيدة لايكتبها إلا الشاعر محمد بن حوقان
على ميلة ارداف المساء يعزف الرقاص ....
....... تهـودن لـه اسيـاد النجـوم ويقبلـهـا
معاذير هقواتـي تعـود علـىّ رصـاص....
..... وغارات نخـوة فكـري ازريـت احللها
خوياً طمع بالدرة اللـي مـع الغـواص .....
...... علامـة بدانـي بالخيانـه مـن اولـهـا
سبرنا دروبه بعدمـا قصهـا القصـاص.....
.....جريمـة وكـم رجــال وده يمثلـهـا
مثل فعل ابو محجن بسعد ابن ابي وقاص .....
......خذ الخيل وابواب السجـن مـا تحملهـا
نعم جيتكـم ديـان ومـدور المخـلاص.....
...... تزهل بهـا يـا( ..........). وازهلهـا
يقول المثـل رد المزكيـن والخـراص ......
...... اذا قـام ابـو عيـنٍ كريمـه يكحلـهـا
مع الخيل خيل ودون وادي النماص نماص.....
...... يا ليت الذي جـاب الرسايـل يوصلهـا
عطيته عيوني وانت تدري ماهن رخـاص....
....... بغيت الجميـل وقلـت يـا الله تجملهـا
بعثت الرسايل ما قبلهـا البريـد الخـاص.....
...... علـى ويـش حتـى ذي علينـا مقفلهـا
انا والله ادري ما تجمع جفـا واخـلاص.....
...... طلبتـك تـراهـا قافـلـه لا تطولـهـا
صحيح ان ماي البحر ما هـزه النقـاص.....
.......ونسبـة ملوحتـهـا تبـيـن معدلـهـا
يا كم من طريده تطرح الصقر بالمقناص ......
...... وهو يحسب انه صادهـا يـوم حولهـا
خذ القهوة الشقرا مع سكري وخـلاص .....
........وخـل الــدلال بحثلـهـا لا تحثلـهـا