البدع:علي السبيه=
.=
ان كان ربي راد زرنا تل أبيبا=
وانشاءالله عما قريبا=
ونصافح اللي خظّب ايده من دمانا=
ونبيّن له هوانا=
نروح له مليار مسلم يمكن اشكل=
ونقول ياظالم اعدل=
اعدل ترى ماعد لنا في الامر حيله=
حالنا راس الفتيله=
حنا عرب مستعربه للهز والرز=
لا نحل ولا بننجز=
من خمسمية عام واحنا دون في دون=
كم لنا من هون في هون=
قلوبنا ماتت لو الانظار حيه=
.=
.=
الرد:علي السبيه=
.=
الحال مزري يختلف منه اللبيبا=
والعطب ماله طبيبا=
لله سبحانه نوجه له رجانا=
ياعسى يقبل دعانا=
ونقول عسى ان الحال وضعه ياتبدّل=
واللي مايل ياتعدّل=
الحال كلن عاد يندى له جبينه=
من شماله من يمينه=
والروس من غرس المذله تاتغرّز=
وعزّنا كم له مجنّز=
والله لذلّونا سلاطين(ن) يخافون=
ماعلى الذلاّت مامون=
وش فيدة السلطان الى ماله حميّه=