اجتمع المالحي وحاسن بن درعان رحمهم الله
بدع المالحي قصيده يقول فيها:

البدع:المالحي
.
يابيت وشبك قهرنا فيك ابا ينقص غار
كودُ صليب المعاول واللغم يلهز منه
ماعدبي ان كان جاد الله ولابي دش مال
يغرم علينا الاهي ماالثمر لا جا النّبت

ورد عليه حاسن بن درعان يقول

الرد:حاسن بن درعان
.
يااللي شريت العوادي لا شريت انق الصغار
كب الثلوب الذي قد قصرّت والها ازمنه
والى رميت المثل لا تاخذه بيد الشمال
وش فايده لو قصرّت الرّميه والا جنّبت

ومر عليهم جريبيع وقالو اسمع وش قلنا يا جريبيع
وعلموه باالبدع والرد وقال اسمعو هذا رد ثالث من عندي

قال جريبيع:
.
اللي ذبح شارد(ن) عاالحبس وعن القص غار
ولو ركب عاالبحر لابد له من لزمنه
ما ينفعه لو يكن يشرد في البيد الشمال
وان مات مايرحمه ربي ومنه الجنه ابت