صح لسانك مليون ياشاعر الاحساس المرهف
اسمح لي بهذه المجارها وهي مجرد اعجاب
بما نضمنت من درر
من خفايا العالم الثاني تحيرنا الشجون....ياغبوني راحت الدنيا لغيري ياغبوني
اختطفها عقل واعي ولانقول الا يمون....واللي يستاهل وونعم مانقول الا يموني
وانا قلبي كن هاالدنيا العريضه له سجون...صدري زنزانه لقلبي والمشاعر يسجنوني
واقرب الاصحاب مني من عذابي يضحكون...لويشيلوني على نعش الجنازه مابكوني
عشت في دنياي ضامي لانهول ولامزون...نشفت حتى عروقي واصحاب الماء ماسقوني
اضمحلت دنيتي واحوالها في دون دون.....والهواجس في دهاليز الشقا القاسي رموني
لا انيس ولا جليس ولا من الايام عون.....وقفت ضدي تصاريف الليالي وامنعوني
وانااشوف الناس حولي يسرحون ويمرحون...سامحوني لوبكيت على حضوضي سامحوني
وعيوني غصب عنها لو بدمعي يذرفون .......لو بينشف دمعها جوت محاجرها عموني
حسبي الله ع الذي بااحساس قلبي يلعبون....اتعبوني واحزنوني واغرقوني وارهقوني
ليت عذّال البشر عن حالتي مايسمعون.....وليت من قلبي هواهم يوم انا اشكي يسمعوني
اعتني باالناس واثر الناس بي مايعتنون.....والضروف اللي تحاصر دنيتي ما ساعدوني
|