سريت ليل امسي مع خافق الشوق=يضرب جناحه للديار البعيده
اللي عليها دايم القلب محروق=ولا لها كل الخوافق شريده
ديرت وليفي قايد الزين غرنوق=راع الجمال وتاج حسنه و سيده
فيه الوصوف اشكال والذوق والروق=ماللحسن غيره وهو له وحيده
حبه بقلبي مادرى عنه مخلوق= يشرب غلاه ويرتوي من وريده
الجادل اللي خافقي طوقه طوق=سجنه في سجنه ولا فك قيده
ليله سراه وساق قلبي معه سوق=يعبر مشاوير الدروب العنيده
اكتب وحرفي بين الانفاس مخنوق=شوقي اساء وجروح قلبي قصيده
اكابد الاوجاع هايم ومشفوق=بين الجروح الاوله والجديده
لاني بمملوكه ولاني بمعتوق=الحب سيد والخوافق عبيده
انا الذي من داعج العين مسروق=وانا الذي تجفا الرسايل بريده
غرّن يضاهي طلعة البدر و يفوق=روحي ترى في حب غيره زهيده
بين القلوب العاشقه مابه اعقوق=يموت عذّال المحبه بكيده