اسف ياجماعه على التاخير والله ماخذت بالي ولا سمعت جرس الباب لما دق
بغيت اسوي مثل ماقال الشاعر الكبير عبدالله البيضاني:
مدري اسوي على الباب تضليله
ولا احط اجراس وارقام سريه
على كل حال اهلا وسهلا باالجميع شرفت الدار واهل الدار يازوار والسفره مفروشه
وعليها كل مالذ وطاب والدعوه موجهه للجميع بمافيهم الشاعر الهمس ودي اسمع
منه قصيده طبعا بعد الفطور والا قبل الفطور الواحد يضيع حتى اسمه وان بغيتم البرشومي
موجود وناخذه من حماكم يارباع نضيفكم من مالكم وان بغيتم الخبزه موجوده وايدامها سمن
بري وعسل سدر وان بغيتم الكبسه موجوده كم صحن مفطح والايدامات اشكال وانواع
والمشروبات اشكال وانواع والمويه من زمزم والخاطر صافي والله يحيكم تراحيب الغلا