غبت السنين الطويله واشتكى مني=في كل لحظه الوم الشوق واعله
لحظاتها كل ما ابعد تسامرني=شريط عمري الفه لف و افله
في غربتي وابتعادي ما ابعدت عني=هي في خيالي وهي كيفي وهي الدله
هي شوقي الي سرى قلبي له ايحني=هي راحة النفس لا صورتها الفله
حبيبتي بعد ماعودت لك جني=جنون حب الشعر والشوق مفتله
سبعة سنينٍ وانا بالغربه متعني=واليوم اعانق جمالك حب واوصل له
كم ليلةٍ عشتها بالشوف متمني=واسيوف حبك بجوف الهمس منسله
حبيبتي لا يهمك كل متجني=انتي عزيزه وحقده قلبه ايشله
قمت اتغزل ولاني فيك متوني=حبيبتيي وردة العشاق والفله
سحرك غدا غنوة الي فيك متغني=الكل يشهد مكان الحسن وامحله
جده جمال البحر في شطك البني=لاغابت الشمس زاد البدر بالطله
ولا اسدل اليل ثوبه قمتي اتحني=بالحان غربيت الموال منهله
من فارقك قام يتقول ومنجني=يسب في شاطي الراحه من الغله
بس لا يهمك حياتي وامرحي غني=يكفيك عمري نسومك تبري العله


الله الله عليك يالهمس جبتها على الجرح تحياتي لك