غطّيت في نومي ثواني وشفتــك
واسقيتني حلو العسل من شفاتك
حضنت بعضي واحسب اني حضنتك
الحلم جابك وانت بأحلى صفاتك
ماذقت في عمري حلى لين ذقتك
ألذ واحلى من حلاتك..حلاتك
كن النهار اللي رسم للشفـق فم
ضحكـة ثغـرك اللـي سماهـا جبينـك
هذا انـت والا مـن يضم الحشا ضم
هـــذي يـديــن الـبرد والا يدينك
ثلجي نحرك ...أدفي من غفاية الهم
عـن خاطـر ٍ صـحـوات هـمـه تدينك
بأعانق احدود الضما والغلا جم
وأبقـي معـك سيـد هــواك ورهينك