يالوعتي كلما هب النسيم
والليل طلّت نجومه واقمره

بين المواليف انا حبّي يتيم
تظغط عليه الظروف وتقهره

فاقد حنان المحبه من قديم
ماغير حزنه ودمعه ينثره

قلبي غصن والغلا فالعين غيم
لا هزّه الشوق ينهلّ اثمره

لكن حظي في الدنيا غشيم
ياما كسر خاطري ما يجبره

لاصد عن شوفي الوجه الوسيم
العفو يا خافقي والمعذره

ما عاد لليل يالعاشق نديم
ينام ليلك وعينك تسمره

البوح ما يبري القلب السقيم
والصمت مايقنع اهل الثرثره

ماينجب الحلم فالليل العقيم
والشمس تشرق عليه وتبخّره

اليم يا وقتي القاسي اليم
قلبي بسكين غيظك تنحره
علي السبيّه