يا صبح الامان اللي سطع في جبين الخوف=وزرع بذرة الامال في قلبه المحروق
عيون المحبه ليه تصبح قليلة شوف=وروح القصايد ليه تخلى من المنطوق
اذا الهجر بارد فالملاقى ثياب الصوف=تعبت ارتدي ثوب الجفا الباهت المشقوق
انا داخلي عاشت رسايل غلا وحروف=لها في زوايا المنتدى طلعةٍ وشروق
إذا غبت ماني جاحد الطيب والمعروف=ولا يعني إني في هواكم قليل الذوق
وإذا جيت يسبق خطوتي قلبي الملهوف=غلاكم مطر يسقي بصدري غصون الشوق