ماهوب وقته .. أنفجر وأعلن الحرب
والا على نفسـي .. أهـد المباني
الوقت هـذا وقـت أسـايـس الحب
عسى الجفول تحـس إني أعاني
***
تحلف وانا احلف بس غاياتنا حب
واللي جرحنا غايته شـي ثاني
لو هو (غريبن ) كان من حقنا نسب
المشكله لو قلت بقطع لساني
***
نذرِ على قلبي ويشهد لي الرب
إني نسيت أنسى ولو هو نساني
ياجعل قلبي بعده اليوم تنشب
فيه الحريقه لو نسيته ثواني
***
يشهق حناني يوم ناداني إرحب
زلزل دمي وش عاد باقي كياني
لا تلومني .. شيخه وبالحب تكسب
أنا فدى .. للي عشقني هواني
***
هذا جنوني مالقوا له أبد طب
وشلوني أتعالج من الاقحواني
هي نسمة الدنيا وفي خافقي اللب
هذا ورب البيت اللي كواني
*****