شجى صوت القصيد وشلت بالقيفان موالي=وجيت اليوم بالطاروق والمجداف يانوره
على وضح النقا والشخص لامنه تهيا لي=دعيته للسجال وللنزال وتكمل الصوره
وقد لي عام متحري هل القيفان بلحالي=وعقب العام جيتي تنشدي والروح مقهوره
انا ماجيت متحدي وانا لو صار مابالي =ورحتي الجامعه واليوم توك خذتي الدوره
تعالي وارسمي حرف الجزاله عذب والحالي=على كيفك ندير السالفه وزهور منثوره
تعالي وانثري العقد الفريد ورنة ارسالي=وقولي من جميل الكلْم من لوله وبلوره
على سبعة بيوت ولن بغيتي حمل الارتالي=ودره نادره تزهى وعند رباع مقفوره