رام الهوى حتى عجزنا نداريه=والقلب يشكي لوعته وإصطفاقه
كم عاشق(ن) يرمي علينا بلاويه=وأغلب جروح الحب (نزعة حماقه)
اللي يصفّق للخطأ ،،، تعْبت إيديه=واللي رحل طوّل علينا فُراقه
واللي تغانا ياعسى الله يهنّيه=له من عيون الشوق نظرة شفاقه
واللي جرحني ياعسى الله يخلّيه=يجرح وله عندي من الورد باقه
من راح ماله غير مرباه يأويه=لو أعجبه بعض المرابي وشاقه
يرجع على مربا من أول سكن فيه=والحزن بعد أيام يصبح رواقه
لكن ديار الغربه في عالم التِّيه=ماهي وطن وإن كان عنده بطاقه
كانك تبي لُبّ المثل من تواليه=غريب مهما يكثرون الرُّفاقه
واللي يماشي غيرنا مانماشيه=كلّ(ن) على كيفه يكوّن علاقه