بعد ما تطلعي فطيرة البلح من الفرن رشي عليها سكر بودرة للتزيين







النهارده هنقدم لك طريقة عمل فطيرة البلح، وهي تعتبر من أطباق الفطاير السهلة والسريعة، واللي تقدري تجهزيها لضيوفك في وقت قليل..


فطيرة البلح
المقادير:
3 بيضات
2 كوب دقيق
¼ ملعقة صغيرة فانيليا
ملعقة بيكنج بودر
½ كوب سكر
½ كوب زبدة
ذرّة ملح

مقادير الحشوة:
2 كوب تمر مخلي من النوى
2 ملعقة سكر بودرة للتزيين
ملعقة صغيرة قرفة
2 ملعقة زبدة

الطريقة:
1- اضربي السكر مع الزبدة بمضرب البيض لمدة دقيقتين، بعد كده ضيفي البيض والفانيليا واضربيهم كويس، وبعدها ضيفي الدقيق والبيكنج بودر والملح.

2- حطي ملعقتين الزبدة في طاسة متوسطة، وحطي عليهم التمر والقرفة، وقلبيهم كويس لمدة 5 دقايق على نار متوسطة، لحد ما يبقى المزيج طري وممكن فرده وتشكيله.

3- افردي العجينة في صينية وساويها بإيديكي بحيث تكون مفرودة كويس من غير أي كلكعة، وبعدها حطي عليها التمر وافرديه بإيديكي بحيث تبقى طبقة متجانسة ومتساوية، وحطيه في الفرن على درجة حرارة 180 لمدة 30 دقيقة، ولما تطلعيها رشي عليها السكر البودرة وقطعيها لما تبرد وقدميها.. وبالهنا والشفا.

وبكده تكون خلصت وصفتنا النهارده..
جربيها وقولي لنا على رأيك فيها..
واستنينا بكرة مع وصفة جديدة..
سلام..