الــــــــــــــبـــــــــــــــدع : الـــــــــــــــزيـــــــــــــــادي
**
الزيـادي قـال : جفـوى صاحبـي والخِـلْ قـهـر بعـيـن
ياللي تبحث سِرّنا المدفون .. ماتكشف بغايتك السِّـر
وإن تحـسّـفـت ... الحـسـايـف مـاتـفـيـد وهايـهـاتـهـا
الحسودي يجحد أفضالي وأنا أداريه وأدرَ اجوحْـدي
مايحاسـب لـو كتـمـت الـدمـع وإلا لــو جهـشْـت بــه
مدري آنا أطوي شراع أهل السفينه صدق وإلا آفلّه
ودي أتكـيّـف ولـــو مَـــرّه كـمــا الـــروس المكـيّـفـه
ماأبغي أتعب يازمانـي ... والـذي قـد صابنـي كفّانـي
أبغي أجمع (ضايق الخزرج) على (حَنّاس أواسيـه)
لكن القابض علـى دينـه مثيـل القابـض علـى جمـره
والسفينـه لـو عـصـت مــوج البـحـر فـلّـق تروسـهـا
**
الــــــــــــــــــــــــــــــرد : الـــــــــــــــزيــــــــــــــــادي
**
سبحان الله قد جعـل وجـه الشبـه مـن خلقـه أربعيـن
يوم حجّيت ... أكثر الحُجّاج مـن زولـي بغـى يتكسّـر
يحسـبـونـي مـــن عـيــال (آل الـنـعـيـم وهايـهـاتـهـا)
والحقيقه طول وقت الحج وآنا آسيـر وأدرج وحـدي
وسط دهشه ... ماطرا لي بإنّ بعض الأوجـه أشتبـه
قـلــت : مـــادام إنّ هـــذا وضـعـنـا لا والله إلا فَــلّــه
خـلّـنـي أوقّـــف فــــيَ الـمـشـعـر بـسـيّــاره مُـكـيّـفـه
حتـى وإحنـا لابسيـن (إحـرام كنّـه عالـبـدن كفّـانـي)
والله إنّــــا مـانـحــن واحـــــد ولا حِــنّـــا سـواســيــه
وإلا فيما فات كنت (أغصّ وأبلع) عند رمي الجمره
كـم مـن الحُـجّـاج بالسـبـع الحـصـى فلّـقـت روسـهـا




الله الله صح لسانك ابيات تكتب بجد بماء الذهب لا يجيدها الى المبدع وشرواه
اناشهد انك وافي
تقبل مروري

اللهم اني استغفرك عدد رمشات العيون من خلق ادم الى يوم يبعثون