الزهراني ابو رائد=
*=
سلام الله على عائض واثنيها على الشعار=
ومن له مقدريه في علومه لا يخفيها=
////////////////////////////////=
انا باجيك هذا الليل ياعائض بدون انذار=
تحذر وانتبه مني تراني فيك اسويها=
*=
القحطاني=
*=
هلا يامرحبا ترحيبة تمشي بدون انوار=
لها مقصود تبغي تعرف القصه ومافيها=
//////////////////////////////////=
نصيحه لاتشب اليوم من بيني وبينك نار=
الى شبيتها ياخوك والله لحذفك فيها=
*=
الزهراني ابو رائد=
*=
بدون انوار تنقل خطوتك في ليل والا انهار=
ترا القصه ومافيها عسى ان الله يعديها=
/////////////////////////////////////=
انا باشبها لكن لاتهتم ولاتحتار=
وانا اعرف كيف اولعها وعارف كيف اطفيها=
*=
القحطاني=
*=
انا من فضل ربي ماعلي لو طول المشوار=
ولا اهاب الليالي والسباع اسري مساريها=
/////////////////////////////////////=
وانا كملي وانا اقول الك كفك ياولد والحار=
ولا انت بمفلح حتى على راسك تدربيها=
*=
الزهراني ابو رائد=
*=
كلامك ياولد قحطان طيب ماعليه اغبار=
اذا كان السباع الظاريه تقدر تباريها=
////////////////////////////////////=
يقولون النمر لا اندر في الغابه يحط العار=
ولكن الاسد فالغابه تحت امره يمشيها=
*=
القحطاني=
*=
كلامي مثل فعلي يا زهراني والطوال اقصار=
وانا اخاوي الضواري وانت تبطي ماتخاويها=
///////////////////////////////////////=
عسى ربي يجنبك البنادق ياحمام الدار=
خلاصة علم وانته لاتكحلها وتعميها=
*=
الزهراني ابو رائد=
*=
انا خايف عليك اليوم وتعود الصغار اكبار=
ترا ذيك العلوم اللي انت خابر مات راعيها=
///////////////////////////////////////=
حمام الدار عندي مصيده تلزمه لو ماطار=
يد اقوى منك صافحها نصيحه لاتقاويها=

القحطاني=
*=
عسى الله يسكنك في جنته يالفارس المغوار=
رسمت لنا سلومن واعتلينا في مباديها=
///////////////////////////////////////////////////////=
انا باسمرك واليا سمرتك جود المسمار=
انا دوب اكتشفت انك تخمخمها وتخطيها=
*=
الزهراني=
*=
ترا ان الفارس المغوار جاك بسيفه البتار=
عزم ياخذك في دربه وروح الروح يتويها=
///////////////////////////////////////////////////=
انا باحط ختم الجوده ثم انشرك بالمنشار=
والى اخطينا فسبحان الذي يعرف معانيها=