ياليت كل انسان، يهواله انسان!

تعال ياللي، خاطري منك زعلان!
ابيك ترضيني، ولو.. بابتسامه..
.
صحيح اخذت بخاطري! وانت غلطان
.. وش عيشة المخلوق! دون احترامه!
.
صحيح احبك موت، واعشقك بجنان..
للحب شي! ولاحترامي مقامه!
.
ياليت كل انسان، يهواله انسان!
ما يجرحه حتى وهو في منامه..
.
ماهو يزيده همّ، وجروح، وأحزان؟
ويعيشه بين العتب، والملامه..
.
ودي أجيك من الووله حييييل عطشان!
وتروي خفوقي، يالغلا من غرامه..
.
ودي أجيلك، وارتمي بين الاحضان..
ويذوب قلبي، من دفاك.. وهيامه!
.
ودي احسك، من عنا الشوق ولهان..
ويضيع قلبي، من حلاك بكلامه..
.
ياللي خدودك، مالها وصف، وألوان..
ياللي تذوّب، في خطاك الحمامه..
.
ياللي لعينك، ينتحر صف غزلان..
ياللي لحلاك الليل، يرمي لثامه..
.
ياللي جمالك، تنفتن فيه.. نسوان!
يا ذروة احساس الخفوق، ومرامه..
.
صحيح احبك موت، واعشقك باجنان..
للحب شي! ولاحترامي مقامه!