شوفو ياجرح غالي ولايهون الربعناي انا ماعندي سواليف بنادق وغنم وبواردنياي وذيبناي انا عندي سالفة طربوشناي مع الصقرناي تويتــرر.
في يوم يالربعناي سمعت الناس يقولون فيه صقر ازعج العالم كل مايشوف واحد لابس لون احمر يراقبه ويبهذله ويمكن يشتله من قفاته ويطير به الله يهكبه .
جوني الربع وقالو مالنا الا الله ثم طربوشك ياغوار يفكنا منه ومن شره قلت كيف قالو يوم يشوف طربوشك نحسه يبعد عنا ويتبعك انت والطربوش قلت وش تبغون قالو شف لنا حل ياصقار القريه عسسكري ومن بعدها لقبوني بالصقار غوار قلت وصلتم خير ابشرو بصقرن ينتف ريش ويفنى مالكم الا تسمعون خبره قريب قالو كفو ياعزوتنا .
رحت اشوف سالفة الصقر عند الجبل الأسود اللي وصفوني به والا سويد الوجه يراقبني وانا ما ادري عنه ماغير اسمع لي صوت يخشخش فوق نخايعه من بعيد والمح فوق والا صقيران فوق راسي والله خرعه جتني بغيت اعرق ههههه في ملابسي كويس ماجبت العيد اعرق احسن من غيرها ههههه المهم قلت بصلح نفسي اني ما اني منتبه له ولاني معبره وبشوف وش نهايتها معه وصلنا للجبل والغدير وقلت في نفسي ابا اتريخ شويه جوف ذا الغدير يمكن يفلح عني وانفك من شره ونزلت الغدير خلعت بدلتي وخليت الطربوش فوق راسي نسيتة نسيه والا صقر الجن بسم الله علينا بجناحه فوق الماء ويحندر فيني وانا احندر فيه وراح يومنا كله وحنا حندره في حندرناي مدري وش عنده المهم قلت ابطلع من الغدير لا يتولجني ونغدي فرجه ههههه لبسة بدلتي وقلت بريح شوي بعد ها المشوار الطويل وبنام ولو ربع ساعه نخررررره نمت وقلت يمكن يشوفني نايم ويقول مسكين وشلي ووش للغلبه خليني اشوف صيده ثانية المهم صحيت والا اسمع زئير اسد ومادريت الا وهو قريب مني ويوم شفته جتني ام الركب وبكيت بكااااااء اللين بغت تتفقع عيوني من الخرعه وقلت دنا اخاف من الكلب يجيني اسد بكااااااء قرب الأسد مني وهو يصيح في وجهي وقلت وش لي وش للطريق الضيق كان ما صلحة نفسك راعي فزعات وفتوه لعيال القرية يا غوار ســــنه مادريت الا وصقرنا جاي من بعيد والأسد قرب يبغى ياكلني جيعان شقيح قلت ابصيح واشكي له يمكن يحن علينا قلت يااسدنا اذا بتاكلني مين ابحيي البحر الغواري من جديد ومن بيونس الشباب في منتدى رباع صاح في وجهي وكأنه يقول مع نفسك ياغوار ههههه ما احد قلك تجي الجبل الأسود قلت ياأسد سواد الله وجهي اذا جيت مره ثانية قال سواد الله وجهك والا قفاتك المهم قرب اللحمه تراني جيعان ههههه قلت ما في فكه قال ماعندي صرف ههههه شوف لك اقرب بقاله واصرف منها قلت تدري الله يعننا على مجاراتك بداوسك اللين اتعب اما قتلتك والا نتشت لحمي .
المهم قبل ماتبدى المعركه صقوري المجاكس فوق يشوف اخرتها مع الأسد قبل ماتبدى المعركه قام الصقر وخّمش وجه الأسد واستغربت كيف ها الصقر اللي يشتكون منه الناس يفزع لي والله انه احسن من بعض الناس قلت ابتابع الوضع واتدخل في الوقت المناسب علشان تحسب لي قاله قدام عيال القرية يوم خّمش الصقر وجه الأسد قلت فرصه خلوني انتقم منه خّرعني المروح وقمت اصفقة تصفيق في وجهه وهو وقتها مايشوف من التخميش الي جاه وقلت وانا اصفقه ياشرير ياوحش يانتن تبغى تاكلني مانت قدي روح عني مدة لسااان المهم الصقر يخمش وانا اصفق وجهه لين شرد الأسد بعدها اشتلني الصقر من قفاتي ووداني عش فوق الجبل وقلت ممداني انفك من الأسد يجيني ها الصقر يشنقني فوق الجبل ابتساااامه وينك ياياسين بقوش الحقني ياحليب السعودية ههههه من زود العرق اللي نزل من راسي فكيت الطربوش وخليته على جنب مادريت الا والصقر ياخذه ويحطه على بيض عنده وشوي حطه فوق راسي وسلم علي بزنقوره ههههه وشلني ووداني البيت حقي وودعني بعدها وراح لعشه وقلت ليش سوا معي كذا فكني من الأسد واشتلني ووداني راس الجبل وشال الطربوش وحطه فوق البيض ساعه وبعدها رجعني للبيت وودعني وراح اكتشفت في النهاية ان ها الصقر رومنسي وطبعا كان نوع الصقر انثى وكانت تحتفل بعيد الحب للبيض اللي معها كل سنه وتدور على اي حاجه حمرا علشان تعبر عن مشاعرحبها تجاه عصافيرها وتاخذ الناس لعشها وترجعهم مكانهم اللي لابسين احمر او طرابيش او قبابيع حمرا ولا تخمش احد بالعكس . ترجعهم وفوقها سلمه بالزنقورناي عسسكري
وتوته توته خلصة الحتوته نناي تحيــــــــــــــــة