أكاديمـيـة العرضـة الجنوبيــة - ربـاع - عرض مشاركة واحدة

11/04/2012, 04:53 AM

الله يحييكم جميع
وتغمرني السعاده والبهجه يوم اشوف هالتفاعل ..
انا بنزل تالقصه وماعد بخش الا يوم السبت لانو يمكن نروح نتقنص انا وفهد قزعه .
وان ماراح معي فهد ابروح انا لحالي .
ومابجيكم الا من السبت وكذا ان الله احياني .
&
&
&
هذي القصه حصلت لي انا محدثكم شخصيا وهي حقيقيه والله يشهد على ذلك ..
مرره من المرات كان معنا غنم مرضا ذبحه السلاق ..
والسلاق هو مرض يشبه للسل .
المهم اني اخذت منه ثنتين ورحت به للزراعه ولقيت واحد من الجماعه موضف ثمه
وتهرجنا وسولفنا وشربت الشاهي معه
وكنا نسولف عن الحلال والسباع
المهم قال ودك اهب لك سم وتحطه في الغنم لامات وبتجي تاكل السباع وتموت..
قلت طيب هاته
المهم واخذ ذام السم الله لايعيده هههههه
واروح البيت بعد ماقال لي البيطري ان ما للغنم علاج
واني بغيت اخبطه لين يشخ جوف لبسه
.
ورحت البيت
وجاني واحد من الجيران وتهرجنا وعلمته عن السم قال هب لي منه قلت كرامه
واني صبيت من ذاك السم في علبة مراعي واعطيته العلبه الاساسيه
وخليت السم في العليه
ان كان تعرفونها
مع خردوات واغراض قديمه
والعصر دخل الشايب الغرفه واخوي الصغير وراه
الشايب كان يبي ياخذ شمال يشمل ناقه معه
واخوي الشيطان شاف علبة المراعي وقام يبكي يبغيها كانت محطوطه فوق الكرويتا
والشايب شافه يئشر على المراعي قال هاك اشرب شربوا دمك
وكويس انه ما اعطاه العلبه الا وانا دخلت بالصدفه
والمح والا وهي في ايد اخوي
حرام لضليت ابلع الريق ماينبلع واخطفها من ايده
وبكا ضلى يرغي هههههههههههه
قال الشايب انت جاهلن كماه اويه تاخذها عليه هيا ردها له قبل لااعشيك عشاء الثبات
قلت ذيه سم خذته للسباع قال انت من جدك قلت اي والله
وبغا يصمقني لو كان ما ابتعدت وقام يصايح
وانا اشتلت ذاك السم وغديت ارفعته في مكان امين
المهم قدر الله ومات لواحد من الربع قعود
واني قمت وخذت ذاك السم واحتزمت وخذت بندقتي وسرحت قلت باحط السم في القعود
واغدي اتقنص
وغديت عند القعود وفقعته بالسكين واحط سم وارش عليه مويه خفيفه
وصبيت ذاك السم كله في بطن ذاك القعود
وافلحت
واليوم الثاني بصرت الكلاب مالها طاري وانتم بكرامه
والا ونص كلاب الجماعه مالها طاري ماهو ماهلا كلابنا
وسرح واحد من الربع ولقيها مرما بها جنب ذاك القعود ميتا
وعلم الربع ودريو انه انا حطيت سم ويحسبوني حطيته بالعاني لكلابهم
وضاقوا عليه كلهم وقام كلن يتهدد ويتوعد وانا والله ماذليت منهم لكن اعرف اني اخطيت
واللي يقول ماذبح الكلاب بالسم الا معه شئ في خاطره يبغي يسويه
واللي يقول لن افقدت من غنمي م اعرف الا انت
المهم قعدو يجي اسبوه وهم ضياق عليه
وعودوا رضيوا بعدين
*
*
هذه القصه وربي انها حقيقه وحصلت معي انا محدثكم
واحب اوجه لكم نصيحه ان لاتتركون الاشياء الضاره سوا سم او سلاح او غيره في متناول الاطفال
لانها قدد تسبب اشياء لايحمد عقباها
زي مابغا يحصل لااخوي لكن ربي ستر ..
عموما استودعكم الله اللذي لاتضيع ودائعه وان شاء الله اعود لكم يوم السبت
وادعوا لي بالتوفيق
ناوي ع المقناص ان شاء الله
..
لا ارجع الا والاقي الموضوع نشيط ومشاركات مرضيه في امان الله