هذه قصيده للشاعر خميس السبيه(ابوزياد)
وحبيت اسجلها في هذا المنتدى الرائع
امل ان تنال على استحسان الجميع
البدع
الله اكبر ياهمومً شاغلتني بالمساء همات
مايظيَق خاطرك غير الذي جاهل وفي علمك سب
ميَلت بي هجرتي من كثر مانلقا وراس مال
الله اللي خالقً خلقه لكلً منزله و مراتب
والذي مكتوب لك يابنى ادمي مالك عنه مصروف
واينحن نمشي على كف القدر واقدامنا سياره
والدروب الموحشه ماتمَن الخايف وما توناس
والذي يقصد دروب اهل المحبه والرضا بي يدلَه
والحذر ثم الحذر من درب مايرضي وما تبوه
وانت لا تمضي الديار اللي تكسَر عوده والثاني
شف ديارً بعد ماجاها المطر لايم ربيعها
وانا في قلبي على راع البخاله تعبتً و وجوعا
يقطع الله الذي يبخل على ظيفه و ظيفته
الرد
وش حصيلك وش نصيبك يالمواطن بالمساهمات
الموطن ياهوامير البلد ماعد يدور مكسب
الله ينصرنا عليكم كلتم المكسب وراس المال
والمصيبه شعبنا كله مساهم بالسلف والراتب
والذي ساهم وظيع راتبه ماعاد معه مصروف
والطمع خلى كثير الناس باع البيت والسياره
سوق الاسهم كم تسبب في شلل ناسً وماتو ناس
يمكن ان المال يتعوض لنا وارزاقنا بيد الله
غير من يقدر يعوض من فقد عقله ومات ابوه
لو تزيد اريال شفت الشعب كلً يصتدم بالثاني
وان وصلنا للموظف ماينفذ لامر بيعها
والله لوياجي لهم فرصه لباقي الشعب ماتو جوعا
أي ورب البيت مايبقى موظف في وظيفته