فيني (جنـــون العشـــق) والحـب للمـوت
فينــــي غــرامــــــك بالولـه يحـــتويـنـي
فيني الهوى واسمك على القلب منحــوت
تبـــغي الخـــلاصه كل شـي صـار فينــــي
كأني شربت التــــوت من مبــســـمً تـوت
واضــــم صــــــدر الفــــل والياسمـــيـنـي
كاني معــــك في مـــعركـة عيـن جــالـوت
لا صرت اهوجـــس بين شــــك ويقيــــنـي
سحر الهـــــوى ماهو بهــــاروت مـاروت
نظــــره بعينـــــك كافــــيـه تســـحريـنـــي
لو كنت مبعــــد عنك من ســـابـع الفـــوت
قولـي (احبــــك) حيـل وتحــــضّريـنـــــي
احضــــر وانـا خــــاتـم زمـــرد وياقـــوت
باصبعــــــك لفـــــي خاتمـك والبسيـــنـي
ماني بحبـــلً صار فـي ايديـــــك مفـــلـوت
لكــــن ثقـــافـة حـب بينـــــك وبيـــنـــــي
بارمـــي كـــــلام النـاس وافوتـــه فــــوت
وش فادنـــــا فـي مـــاضيـات السنــــينـي
ابغى اطــــرد الحزن الـــذي قبـل مكبـوت
وابغـى يدينــــــك مـــاتفـارق يديـــــدنـي
الحــــب دانـت لـه ممــــاليـك وابشـوت
والقاســـــيـه عـنـده تـــــذوب وتليــــنـي
جيتك وانا بردان والـــــحـب لـي كـــــوت
وابغـى الدفــــا يالغـــــالـيـه زملـــــيـنـي
كتبــــت فيـك الشـــــعـر قيـفـان وابيـوت
عســــاه يرضـي خاطــــــرك واعـــذرينـي