إن مرًيتم .. مشكورين .. وإن طنًشتم معذورين

يإختناق الشوق والإحساس وأنفاس الأماني=يا ضجيج الصمت في صدر الممرات الحزينه
يا صدى صوت الحزن لا عاش في صدر الأغاني=يامن أصبح سالفة عشاق في صدري دفينه
يا رياح الغربه أغصان الرجوع اللي تعاني=لا يعيش الشك بين البحر وشراع السفينه
زارني حزن إبتعادك وأحترمته يوم جاني=وقمت أقبًل في جبين الحزن وآقبًل يدينه
يا رحيل العمر لو تزرع بصدري عمر ثاني=كيف يتنفس محبه بعدما راح أكسجينه
يا مخالب يأس في صدر الشوارع والمباني=ليه صحيت الظلام ونامت أنوار المدينه
يا عطش حزن السنين اللي شربني وأرتواني=ما درى إن إحساس صدري والمشاعر مرتوينه
يا عبث سطوة سيوف الصد في حدب المحاني=خل شرياني عشان أسقي جذور الياسمينه
كن حزن الكون كله ما يعيش الا عشاني=يرتوي من دمع عيني وأرتوي من دمع عينه
ذكرياتي طيفه اللي ضم صدري وأحتواني=والعطش والجوع والقضبان والروح السجينه
بس أنا عندي سؤال إجابته هزت كياني=صرت أخاف الليل ؟ والا الشمس فرقاها غبينه؟
والله إني كل ما ضاقت بي أنفاس الأماني=صرت أدور للأمل بين الممرات الحزينه