يا صدى صوت الحزن لا عاش في صدر الأغاني
يامن أصبح سالفة عشـاق فـي صـــــدري دفينـه
يا رياح الغربه أغصان الرجـوع اللـي تعــانـــي
لا يعيش الشـك بيـن البحـر وشـــــراع السفينـه
زارني حزن إبتعـادك وأحتــــرمتـه يـوم جـــانـي
وقمت أقبًل فـي جبيـن الحـزن وآقبًــــل يدينـــــه
يا رحيل العمر لو تزرع بصـدري عمـــــر ثانـي
كيـف يتنفـس محبـه بعدمـــــا راح أكســـجيـنـه
يا مخالب يأس في صـدر الشـــوارع والمـــبانـي
ليه صحيـت الظــــلام ونامــــت أنـوار المدينــــه
يا عطش حزن السنين اللي شربنـــي وأرتوانـي
ما درى إن إحساس صدري والمشــاعر مرتوينـه
يا عبث سطوة سيوف الصد في حـدب المحانـي
خل شرياني عشـان أسقـي جـذور الياسمــــينـه
كن حزن الكـون كلـه مـا يعيـــش الا عشـــانـي
يرتوي من دمع عيني وأرتوي مـن دمـع عينـه
ذكرياتي طيفه اللـي ضـم صـــدري وأحــــتوانـي
والعطش والجوع والقضبـان والـروح السجينـه
بس أنا عنـدي ســــؤال إجابتـه هــــزت كيــــانـي
صرت أخاف الليل ؟ والا الشمس فرقـاها غبينـه؟
والله إني كــل ما ضـــاقـت بـي أنفـــاس الأمــانـي
صــــرت أدور للأمــــل بيـن الممـرات الحزينـــه
