تحرّيت الصبآح .. أحبس دموعي في عيون الليل=وأقلّـب دفـتـر الغـربـه عـلـى شمـعـه مــن آمـآلـي
يحآصرني ظلآم الليل .. و الشآهـد عيـون سْهيـل=و كــنّ النّـجـم يسـمـع فـــي تلآحـيـنـي و مـوآلــي
ألآ يآ النّجم سآمرني .. وخلّك صآحب ن و خْليـل=وانا يانجم لا سامرتني بشرح لك احوالي
علام تفل قبل النور..تقول الليل صار طويل=اجل وشلون انا اتحمل طويل الليل .. ولحالي
ترى حالي برا من كثر لوعاتي ولابي حيل=وانا قبل اصدفه يانجم كنت مريّحن بالي
عرفته؟ به خجل زائد وفيه من الدلع تدليل=يقول الناس ما ابيهم يجون بجالك وجالي
ذكرت الضحك والغمزه وسالفته عن القنديل= كسر مرّه زجاجه.. وانجرح حتى دمه سالي
وكيف انّه مسح دمّه وعطّر به ورق منديل=وقال احفظ هدية جرح لاتنساه ياالغالي
يناظرني ..نسيّ حتى خجله وكنّ دمعه سيل=غضب غيم الجروح وطاح فوق الخد همالي
بعيداً عن عيون المفرده والشك والتأويل=وعن شكل الوطن من دون هيبة ربعه الخالي
أنا بعدك مشاعر للايجار وقلب للتقبيل=كذا بالمنطق ,, إن فارقتني وش عاد يبقى لي
لصوتك رغم موت السالفه في داخلي ترتيل=اذا طوًلت عني ما سمعته ,, يا بري حالي