السلام عليكم ورحمة الله وبركاته
اخواني الاعزاء :
اتمنا ان تكونو بافضل حال واتمنا لكم التوفيق
اعتذر ع الانقطاع وعدم التواصل وذلك لانشغالي
في كثير من المنتديات الادبيه والقبليه "
اطرح لكم هذه القصيده عسى ان تنال اعجابكم "
ياخاطر اللي في غيابه تعنيت=لاتمتلي بالضيق وانس التجافي
ولاتحسبني دالهً يوم صديت=في ذمتي ماني بعدك متعافي
من يوم فارقتك وانا ماتهنيت=حالي عقب فرقاك صابه جفافي
تشوفني لانيب حيً ولاميت=مالي سوى ثنتين .. الله يكافي
اما على عودي سهرت وتغنيت=ولا على الذكرى نظمت القوافي
لاشك مالي صالح ان قلت ياليت=والوقت قد عدت سنينه خلافي
لكن دام الوضع فرقا وتشتيت=مالي قعادً بالوطن يالسنافي
ابركب الموتر .. وابفارق البيت=وارحل عسالي عيشة ًبالفيافي
احترامي..لكم