هذه القصيده المتواضعه اخر انتاج علي السبيه الغلبان
ان مريتم مشكورين وان طنشتم برضوه مشكورين
الحب دمعة شوق تذرف من عيون اهل الغـرام
والذكريـات اجمـل محطـات الحيـاه الخالـده
لا غرَد القمري وله توقف له اسـراب الحمـام
وترتمي الاهات فـي حضـن الليالـي البـارده
والصمت لا زاد الوله يعزف على اوتار الكـلام
والشوق تحضنه المشاعر والخوافـق شـارده
ياحبي الاول عليـه ازكـى التحيـه والسـلام
في صومعـة قلبـي دوامـا ذكرياتـه ساجـده
غابت نجومه من سماه وصارت اعيوني صيـام
والعمر مابـه غيـر ذكـرى للحيـاه اتسانـده
صحيح شرع الحب مابـه لا حـلال ولا حـرام
مسكين من يزداد شوقـه والظـروف اتعانـده
كم للمشاعر من حنيني في وسط قلبي احتـدام
والقلب كم ينزف جروح وكم لروحـي صامـده
ياشوق يامبعد طلوع الفجر مـن بيـر الضـلام
تآكلـت واتقطَعـت كـل الحـبـال الـفـارده
طال المدى والشوق يصرخ والمشاعر في خصام
تعبـت وانـا اتجنَـد اثقـال الهـوى وآكابـده
نام الظلام وطرف عينـي مابعـد يازيـن نـام
وشلون يغفى والهواجـس والهمـوم اتعـاوده
بعيد عن عيني وله في داخـل اعماقـي مقـام
احسَه اقرب مـن علـي واضروفنـا متباعـده
حتى ولو يقسى وينسـى لـه مـوده واحتـرام
اللي تغـرَد لـه شجونـي والخيـال يطـار
تنسيق عاشق القصيد