الخيـــــــــــا نـــــــــــــــــــــه
زعلان منك مامن الحب مليت
زعلان لأنك في النهايه كذبتي
كنت اتحدى ليتني ماتحديت
كنت احسب انك بين صوتي وصمتي
أنا عن الحب المزيف تخليت
حتى لوانتي في البدايه حلفتي
ماينحني راسي ولوني تماديت
أطرد وراء حب مزيف كسبتي
شربت كأسك فيه مر وتعافيت
والكأس رديته عليك وشربتي
طويت ماضي الحب لله وصديت
ولا حسبت الي مضى لوحسبتي
وجددت للقادم بدايه وهديت
عساه يرجع قلبي الي نهبتي
كان الوفاء منهاج حتمي ووفيت
كنت احسب انك عـــ الوفاء لين خنتي