يا معروضة لكل الناس

كما الزينة...

أنا قلبي ما هوش برواز

وفاترينة ...

يشيلك بس للفرجة

أنا كعبة

وقلبي هو محرابي

كتير واقفين على بابي

وأنا رافض ..

م أنا عابد ..

وليكي معايا شي واحد

يا قلبي تدخليه حاجة

تطيعيني ... تهاوديني

تسايريني على ديني

ونرجع تاني للعبة

بدون إبليس

بدون حية

ولا تفاحة محشية

بسر الكون

تلمي شتاتك المرهونة برضايا

خيوط اللعبة ويايا

أعيدك ضلع جوايا

أطوف بيكي وأنا شايلك

جسد واحد وروح واحده

ونرجع تاني للجنة

يا أما أرميكي برايا

وأطهر ضلعي من جوه

وأفضل برده أنا أدم

لكن عمرك

ما يوم حتكوني لي حوا