في داخلي لهفه لصوت المشاوير=وفي داخلك لهفه لكسر الخواطر
رسمت في وجه الزمان التعابير=ورسمت في كف السنين المناظر
ورسمت في وجه التعاسه تباشير=ورسمت في وجه الفرح غيم ماطر
وأرسلت لعيون الصباح العصافير=وأرسلت لعيون المساء قلب شاعر
والحين ضاقت بي جميع التدابير=بغيتك أرباح ورجعتي خساير
بس للأمانه..؟ مأختلفتي عن الغير=ترتيب جرح .. وفوضوية مشاعر
شكراً جزيلاً ما حصل منك تقصير=بالعكس بعد اللي حصل صرت شاطر
وصرت أردد مصطلح خير يا طير=بيني وبينك صار مليون ساتر
برحل مع أشواقي وسرب المعاذير=وأنتي مع سرب الحمام المهاجر
وإن جاتني لهفه لصوت المشاوير=بتذكر إنك فوضوية مشاعر