ليت الحزن يطلق سراحي والزمن قلبه يلين=وأرسم خيوط النور في وجه السنين المظلمه
جرحي كريم ويحتفل في داخل الصدر الحزين=ضيفانه دموعي وبعض الذكريات المؤلمه
وأنا وقلبي لأحتفل جرحي نجي له مستحين=نهديه .ضيق ..وكسرة الخاطر على شكل أوسمه
وأجآمله وآنا بصدري مثل صرخات السجين=الخايف اللي كن صرخاته ونين وتمتمه
لا صار يأسي كنه الأوراق في غصن السنين=مات الأمل في زحمة أحزان الدروب المعتمه
صار الحزن يرقص على موتة ورود العاشقين=وصار شاعر من جروح الصدر يكتب ملحمه
سر السعاده يا طعوني في كفوف الغايبين=راحو وخلوني لحزني والضروف المبهمه
شفت إنكساراتي وحزني في عيون الحاضرين=كني جبل شامخ وحزنه زاد فيه ودمدمه
لا صار شكل العمر يكمن في رصيف وشارعين=تموت روح الشعر وتصير الحروف ميتًمه
ولا بقى الا أضحك على نفسي وأقول الصبر زين=وأستجدي الفرحه وحزني داخل الصدر أكتمه