يالج صدري من فـراق العضـي لجـي
لجت زعـول النظـى لازرت لعايجهـا
للصاحب اللي رجيت وعادنـي برجـي
وغيره من الناس ما ابغى اسمع هرايجها
بالعون حبـه سرابـي سريـة اللنجـي
لابحر والامواج تسحـب بـه نسايجهـا
يلي ذكرتـه وانـا فـي غيبـة البنجـي
تبطـل خمـول المخاديـر ومسايجهـا
ابـو عيـونٍ يلـي سلهـم بهـا زجـي
ولي رفـع رمشهـا غطـى حجايجهـا
والخد لي بـان كنـه البـارق الحنجـي
اللـي ليـه البـدو تكـثـر دوايجـهـا
والعود ريحانةٍ ما شـرب مـاء همجـي
وتومي به الريح لـي هبـت زرايجهـا
غرور