مسألة صعبة
مسألة صعبة تبي منك الإجابة=حلها المآسه وجوهرها دفين
الورق ماتت سطورة والكتابة=والقلم لملم حروفه من سنين
العمر شمعة وتاليها حرابة=والحيى دمعه على خد السجين
صارت الدنيا وهم فيها الكأبه=صار غدر الناس معدنها الثمين
صار كلن يخفي همه في ثيابه=لين عم الحزن عالكون الحزين
البشر ضلت وحوشٍ وسط غابه=والقمر نوره يغطيه الجبين
والمطر يخفي دموعه في سحابه=والشجر عيآآ على زهره يبين
الفرح اصبح ضيآآ ليلٍ نهابه=والأمل اصبح سراب الحالمين
والحسد في كل قلبٍ دق بابه=والكلام العذب حكي الشامتين
آآه يادنيا كفى قسوه وصلابه=كم هدرنا الدمع وانت تضحكين
كم فقدنا من عزيزٍ في الصحابه=كم بكت امٍ على فقد الضنين
الله يسقي عهد كنآ به غلابه=نحمل الشيمة ويسكنا الحنين
مانشيل الهم مانحسب حسابه=لو طلبنا صاحب الفزعه نعين
مسألة صعبة تبي منك الإجابه=حلها المأسه وجوهرها دفين
تحياتي :عاشق النون