البدع=
أقدح الكبريت في رأس الفتيله وأنت أبو لهب=
وأترك لعب الباصره من كم شهر تلعب بها وتبصّر=
وإعلم الجمهور وش قرّب من الأبيات وش بعُد=
الذي عندك شديد البأس بآكتّفه وأبتر باسه=
والصليب الجاير آدكّه ويتحطّم من الدّكّان=
كل ماتاجي بكأسة مُرّ تلقى عندنا مُرْ زيّه=
والمثايل مابتبنى مالهروج الشينه والخلفات=
والوجوه المجهمه ماتسكن إلا دار جهماويّه=
النايم والمتّكي واللي ربع جلْستْه والجوّال=
والمعنى واضح من التخصيص وإلا من عمامته=

،،،،

تربّصوا مثل ماتبغون وآنا لي إرباص=
نويت أسوّي حكايه عالميّه وتنقص=
وإن كان لي عندكم مخلاص بآخذ خلاصي=
أمّا بحدّ الشبا وإلا آخذه بالرّصاصا=
ونوره بنت الكرام وشاعره ع المنصّه=



،،،،




الرد=
الجنّه للمصطفى والنّار تأكل وجه أبوو لهب=
والذي عنده بصيره لو تضيق المعرفه يتبصّر=
والله أعلم وش مضى من معرفة جارالله وش بعد=
مرّه يفتح باب دكّانه ويقفل مرّه ابترباسه=
والنطيحه والذي متردّيّه عنده في الدّكّان=
يأكل اللحم المكفّن مادرى إنه غزلته مرزيّه=
وإرتفاع الضغط ماخلّاه يشرب من لبن خلفات=
والحرارة واصله حول أربعين ودَرجه مئويّه=
لو يدقّ الهاتف الثابت فتح سمّاعة الجوّال=
أرتبك والرّشح مثل الغيث يقطر من عُمامته=

،،،

يالشيخ جارالله هذي طايره نوعها إرباص=
تزيد حملاتها يوم إنّ حملتْك تنقص=
محمّله من تمور البصره ومن الخلاصي=
قدّام تقْلِعْ ترصّ أحمالها بالرّصاصا=
والعلم واجد ولاجاء لك من العلم نصّه=