ياحظــي اللي كـــل ماجيت بارضيك
زدت البـــــلايا والهمـــــوم الثقيلـــه
وش عاد تبي مني زياده وانا اعطيك
وارضـى بقليلي فــــي سنين قليلــــه
ان كــنت سجانـــــي وانا بين اياديك
سجنتني لاعــــوام مــــــن دون حيله
مايكفي انــــي سرت لعبــــــه تسليك
والــــروح من جمرة لــهيبك عليلـــه
مايكفــــي ان الدمــــع منـــي يناديك
يتوسلك فــــي كـــــل يـــــــومً وليلـه
النوم جافانــــــي والسبب مــن تغليك
والليل خـــــاوانــــــي سنينً طويلـــه
سعادتي حلـــــم وســــــرابً بارضيك
تبعتهــــــا عميان يتبـــــــــع دليلـــــه
حتــى الترجــــــي مانفعنـــي ترجيك
حملك جبل تعجـــــز ضلوعي تشيله
انا ادعـــــــي الله ماتطـــــول هقاويك
صبري نفذ عمري نفذ وش بقــــي له
كل الأمـــــل (ساعة صفا) لـــو تنسيك
واركض ورى حلم الفرح واشتكي له
والخوف لو قال الفـــرح كيــف يمديك
والليل الأســـــود شمعتي ماتضي لـــه
ابقـــى محلك واقتنـــــع في مخــاويك
واللي ولف درب الشقــى ينتهــــي له
ملك الليل